Tu lio cu thimnak aa cuh dingmi party pawl kong lawng ceih a si i thluak fresh nak ah minta Naing Naing nih meithal kap a thiamnak a van langhtermi video zoh ding kan van tar piak chin hna. Minta Naing Naing cu Martial Art a thiam lo si loin meithal kap zong a uar i a thiam ngai ve. A tang bik ah a video tar chih a si.
America ram a phan caan paoh ah ngakchia pali he caan a hman tawntu hrintu pa Naing Naing cu tutan zong a tuah tawn bantukin ni chiar ti awk in meithal a kap peng i cucu a video file an tarpiak hi a si.
Hi video caption ah “Yangon ah shooting a um lo caah America ah shooting ka tuah” tiah a fan pawl caah capo in a tial chih. Kawlram minta ah a pumrua a that lei a si ve mi Naing Naing cu vuak a thiam ngaimi minta pakhat a si bantukin tutan meithal kap a thiammi zong zoh a nuam ko.
Minta Naing Naing cu a fale a daw hna i an pawng te umpi peng a duh ko nain rian a um caan paoh ah Yangon a ra caah caan tling in a fale a umpi khawh hna lo tiah a kong a theihmi Happy Cele Zone News nih a tarlangh. Tutan cu Yangon ah shooting rian a um lo caah a chungle umnak America ah a fale he caan a hman lio a si i a uar ngaimi meithal kapnak ah nichiar ti awk in a kal ti si.
Meithal a kapnak video ah caption a tial chih rih mi cu “Minung cu kanmah nih kan tuah duhmi tuahnak caantha kan ngeihmi hi kan vanthatnak a si. Dawtu mipi zong nan hlawh tling hram seh” tiah a tial chih fawn. A video ah meithal phunphun in a kapmi zong hmuh khawh a si i a tangah a video zoh ding kan van tarpiak chih hna.
https://www.facebook.com/actorNine9/videos/376306143334412/
Ref: TTL; Video: Actor 99
Leave a Reply