Ram cheukhat ahcun nu pawl kut thlak hi a sawhsawh le a phung bantukin an ruah cang. Kanmah Laimi zong nih “Nupi cumh phung darkhuang cumh phung” tiah pupa hna nih chimphung an rak ngei ve. Nain hi bantuk hi a si awk hrimhrim a si lo.
Tutan zong a ruang pakhat te ruangah mipa pakhat nih a nupi cu fak taktak in a thah ti si. Cucu Egypt ram ah mipa pakhat nih a nupi cu kum 3 chung an umti hnuah fa a ka hrinh piak lo a ti i a nung buin mei in a khangh ti si. Worldofbuzz nih a tarlangh.
Cu mipa cu amah lei chambau ruangah maw timi fawikhat hmanh tuaktan loin a nupi cu hri in a tem i datsi a toih hnuah mei in a khangh ti si. Cu ti cun a nupi mei in a khangh i a nu umnak khan ah zei poi loin a kal tak ti si. Meikhangh a tuarmi nu hi a min ah Aya a si i a thahtu a pasal Muhammad ti si.
An puai lio hmanthlak zohnak ahcun a nupi hi a lung aa lawmh ngaimi, mithmai panh ngai in hmuh a si nain saram thinlung hmanh a tluk lomi minung ka vat timi aa thei lomi a lo tiah source nih a tarlangh.
Cu thil cang in an innpa hna nih an hmuh tikah palik sakhan ah report an tuah nain lainawngtu pa cu a nule umnak varanda in a nupi mei a kanghmi cu a zoh sawh ko ti si. Palik an phan tikah cun a nupi cu meikangh celh loin a nunnak a liam cang. Innpa nih an hmuhmi vialte an chimh dih hnuah mipa cu palik nih an tlaih colh ve.
A nupi hi kum 3 chung an umti lio ah hin a vuak peng ti si. A cingmi nu (fa ngei kho lomi nu) tiah a auh peng ti si. A nupi a thahtu pa cu Egypt rammi nih dantatnak sangbik pek ding in cunglei tuanvo ngeitu pawl an nawl cang ti zong in theih asi.
Ref: WB
Leave a Reply