Mipi Nih Pomlo Mi Le Mipi Nih Cohlan Lo Mi Cu Cozah Ti Khawh An Si Ballo

By- Salai Bawi Lian Mang: MAH a Hlawh atling lo, MAH le Ralhrang nih uknak hramhram lo in lak an i timh nak thla 4 renglo asi cang. An la kho lo. Zei tik hmanh ah an la kho thai lai lo. Mipi nih pomlo mi le Mipi nih cohlan lo mi cu cozah ti khawh an si ballo.

Chinram nih MAH le SAC ralhrang kan cohlang hna lo. Kan zate lungkhat te in kan ttantti ah cun duhpoh in mi a uk zungzawl mi ralhrang uknak hi a hram in kan bongh khawh hrimhrim lai. Na hna atlak ah cun rak share ve.

Thawng pang dang relchap; Delhi Chinmi Pawl COVID-19 Runvennak Sii An I Chun Kho Cang, India ram ah COVID-19 a voi hnihnak a chuak i a voi khatnak lio zawtnak a chuahmi nakin atutan a voi hnihnak hi a fak deuh i, Delhi khuasa Chinmi hna chung zong in mithi le mizaw an rak um.  India rammi sinak (ID) a ngei lomi COVID-19 runvennak sii chunh khawh a si lo tik ah Chinmi pawl lungrethei in an rak um hna.

Sihmanhselaw, June 14 thawk in UNHRC le India cozah tawlrelnak in Chin ralzam pawl COVID-19 runvennak sii chunh hram an thawk hna.  Delhi ah CHRC Coordinator a simi Salai Cung Dawt nih, “COVID-19 zawtnak a zual tuk caah sizung tiang nih a tlum hna lo. Oxygen zong nih a zat hna lo. Chin ralzam chung in a zawmi kan um pah ve tik ah kan lungre a thei.

CRC President nih NGOs, Nuhrin Covo bu le Media pawl sin ah COVID-19 Vaccine kan herhnak kong a chim lengmang. Cun, kan si khawh tawk in India upa pawl kan pehtlaih hna. Cu lio ah cun, atu bantuk in UNHRC le India cozah nih alak tein Chin ralzam pawl siichunhnak an tuah tik ah kan hnga a ngam deuh ngaingai,” tiah a chim.

Nihin ah kum 45 cung pawl an chunh hna i thaizing ah kum 18-45 karlak pawl chunh a si lai. COVID-19 zawtnak in a zaw balmi hna cu an dam hnu thla 3 ah chunh an si te lai.Crd-The Chin Journal.

Leave a Comment

Leave a Reply

Your email address will not be published. Required fields are marked *