Mipi nih Yangon NLD Zung an Khamh Khawh

Yangon ramtthen Bahan peng, Shwe Gone Daing lam ah a ummi Yangon ramtthen NLD Headquarter cu ralkap le palik nih nihin zing in an luh hnawh i NLD upa 15 leng an hren hna. Mipi a thongthong nih an vung chuah hnawh hna i nihin zanlei sml 5:00 ah palik le ralkap pawl nih lamkhamnak an chiahmi vialte motor cung ah an khin tthan i an kir tthan. Ahohmanh tlaih an tong lo, crd- the chin journal.

Cadang relchap: Ralkap tapung nih thong in misual minung 23000 renglo an chuahmi hna nih Rangoon le Mandalay pawl cu it thiam loin hna an hnawh hna. Inn duah an timh, dinti ah poison paih an timh, mi innka an bauh caah sang le veng ummi hna nih tanbung an tum i, an tlaih hna, hri in an hren hna a hrem tu cu an hrem hna lo.

Tuzan lawngah minung 10 in 20 hrawng cu an tlaihmi hna an si cang lai. Palek sin i va up ahcun a thlah than hna lai ti an phang i, palek an pek duh hna lo, sangupa hna nih an sang zungah an hren hna, A cheu phungki biakinn ah an chiah hna i, nawisen an hnuk. Mah hi 1988 lio i, mingiatu ralkap MI pawl nih an rak tuah bal cangmi tactic kha a si.

Mipi buai hna seh, i tuk, ivelh le i thathnak chuak sehlaw ralkap nih rule of law a um lo tiin rengh chinchin kha an i timhmi a si. Cucaah fimkhur tein tawlrel zia thiam a hau kut thlak iralrin ngaingai a hau crd- salai lairam thang.