Chin/Lai mi chung in gospel singer minthang kan I ngeih mi hna hlasa thiam Bawi Thiang Bik le Naomi Par Tha Sung cu Chin/lai mi nih kan uar tuk cio mi hna an si. Lai mi nih kan uar ngai mi hna hna hlasa thiam Bawi Thiang Bik le Naomi Par Tha Sung nih pathian thangthat hlasa pah in an mah dawhtu mipi hna sinah sawmnak le thawng thanhnak an van tuah.
Mah an thawngthanh mi le pathian thangthatnak hla dawh Naomi nih a sak nak cu mah NaomiParTSung/videos/ ti mi hi hmeh piak law video na zoh khawh lai.
Cadang relchap: By- Salai Lairam Thang, Laimi cheukhat nih rawl kan ei, kan din tik ah kan ka, kan lei, kan dang, le kan or diriamnak in rawl ei kan hmang, kan pum nih a duh le duh lo, a ziak le ziak lo, kan pum caah a tthat le tthat lo kan tuak lo. Kan ka duhmi paoh thuat thluahmah kan hmang.
Ngamdamnak a duhmi miphundang nih cun an or le an dang duhmi nakin an ngamdamnak le an pum ca tthatnak in rawl an ei. A hlei in US ummi nih cun kan ka duhmi nakin kan pum duhmi kan ei a herh. Kawlram ahcun kan ih hmun le kan thut hmun ah zinuaician din ahcun kan thlan a chuah caah cholesterol tampi kan khangh ko.
Asinain US ahcun AC le innchung tang kan um peng caah kan thlan a chuak lo, motor cung zongah kan thlan a chuak lo, rian kan tuannak zongah kan than a chuak lo. Kan thlan a chuah lo tik ah cholesterol le thau vialte cu kan pum chungah a erh i a chuak ti lo caah zawtnak a phunphun a chuak i, ruah lo pin nunnak a liam mi zong kan tlawm ti lo.
Cucaah a ram le a sining holh in kan ei le kan din kan i ralrin a herh. Sa tam tuk ei hi ngamdamnak a si lo, a hlei in sachungril, voksa le cawsa te hna ei cu cholesterol a tam bikmi an si caah kan hrial ah a tha, ngandamnak a simi vegetable tam deuh in ei i zuam hna usih. Exercise tuah zong i zuam deuh hna usih. Ngamdamnak tuah hi chungkhar family dawt zong a si. Silei a cawngmi ka si na loin keimah tonnmi siaherhnak he hei hrawmh bia sawsawh si.
Leave a Reply