Lemcang thiam Ye Deight nih a dam lonak kong he pei tlai in a fans hna sin ah thei ternak a tuah. Cun lemcang thiam Ye Deight nih April thla 9 nii lio ah khan live thlah nak in a fans hna he bia ruangnak zong a rak ngei . Mah live in bia ruahnak an rak ngei lio ah a fans hna nih a muisam an hmuh tik ah sii a ri mi a lo tiah an soisel caah mah kong he pehtleih in fianternak zong a tuah chih.
Ka thluak thahri thazaang a der caah mi he bia chawnh zong a sinpi kho lo. Mah ruang ah ka muisam zong in sii a ri mi a lo tiah mi cheukhat nih an ka soisel caah ka lung a tha lo ngai ngai. Tu zong hi sii din in caan ka hmang lio asi. Kei zong hlan lio ban tuk in ka si than khawhnak hnga kaa zuam lio asi tiah may 11 nii suimilam 2 hrawngah khan a facebook in fian ternak cu a tuah.
Lemcang thiam Ye Deight cu sii tha lo a tong caah thong a rak tlah i 2017 November thla 17 nii ah khan thong inn in a rak chuah mi asi. Thong inn i a rak chuah hnu ah a thluak thahri a thazaang a der i cu caahhlanlio ban tuk in a rak tuah ton mi lemcang rian zong thitha in ttuan kho ti lo.
Movie thlak kho ding dir hmun ka si tik ah cun ka fans pawl hna caah movie tha deuh ti pawl kaa thim lai i ka thlak tthan te lai tiah Duwun Media nih interview an tuahnak ah a chim.
Leave a Reply