Mipi Theih Awk Tlakmi Salai Isaac Khen Sin Cakuat

Salai Mangom nih Chin pine cozah ah riantuan ve mi Salai Isaac Khen cu a tanglei bantukin biahalnak 10 a tuah. Cu biahalnak cu September 10 ni ah a tuahmi a si cang nain halmi lei in nihin tiang lehnak a um in kan thei rih lo.

Leh phu a si lo an ti caah maw, asiloah, an leh kho lo caah timi theih a si lo. Nain hi biahalnak hi mipi nih theih phumi an si caah a tanglei bantuk kan tarpiak chin hna.

T0, Saya Isaac Khen, Ka theih fiang lomi pawl bia hal kan duh.

1nak. Chin pine cozah nih company pawl Tender nan pek lio ah President nih zulh awk a timi 1/2017 nan zulh lomi hi zeiruangah a si? 2nak. Company pawl sin in NLD fund nan halmi hi phunglut maw phung lut lo dah?

3nak. Company pawl nih an rian an lim lomi le a thil tuah quality a chia tuk mi nan theih ko nain zeiruangah dantatnak nan tuah lo? 4nak. Pine hluttaw website le cozah website caah Union nih zeizat dah bawmhnak an in pek? Zeiruangh nihin tiang website ah data nan tarmi a um rih lo?

5nak. Mipi itel khawhnak project a um khawhnak dingah zeiruangah cozah nih a tuah kho lo? 6nak. Zeiruangah Chin pine nih phaisa a hmuhnak le a hmannak nihin tiang website ah nan tar lo?

7nak. Cozah le hluttaw nih myone ning in budget a then lio ah khan zeiruang ah budget tluk ruang tein an then hna lo? 8nak. State hluttaw nih budget upadi fehternak a tuah cang nain zeiruangah budget tlangtar thleng an thleng i an hmang? Budget upadi cu duh paoh in lentecelhnak khawh a si maw?

9nak. Pine hluttaw chairman le vuanci pawl fonh in Bung zung ah vawlei hmunhma nan i lak mi kha upadi he aa tlak ko maw? Na nawlngeihnak nan hmangmi a luan deuh lo maw?

10nak. NLD nih teinak a hmuh than ahcun tu bantuk in maw nan pehzulh ko lai/kan thleng lai tiah nan aupimi pawl  theih kan duh ngai i Saya  nangmah cu a chung ah a cawlcangmi na si ve caah upatnak he hi vialte biahalnak kan tuahmi a si.

From Salai Mangom (10.9.2020)

Leave a Comment

Leave a Reply

Your email address will not be published. Required fields are marked *