Nizan ah tuahmi Miss CYO Indiana 2020 ngahtu cu muidawh Paris Sangbawi a si. Atu kan chan hi social media chan a si bantukin facebook, instagram, twitter ti bantuk ah hmanthlak dawhdawh post cio a si i, aa dawh ning kan ti tawnmi zong Live video an van tlak ahcun tlinlonak tete a lang tawn.
Nain tutan 2020 Miss Indiana Paris Sangbawi cu a tanglei a video hi zoh ve hmanh uh. Atak in aa dawh i biachim hrim a thiam tikah Miss co phu bak a si. Atangh Ngun Chin nih lawmhpinak a tialmi rel chih.
Lunglawmhnak Bia by Ngun Chin: Pakhatnak ah kan biak Pathian nih upatnak co ko sehlaw, Sunparnak a ta si zungzal mi cu Amah nih sunparnak co ko seh. Bawipa kut chuah asi, kan fanu, Paris SangBawi, Miss a zuam nak ah.
Pahnihnak ah, Ramchung, Ramleng, Kawlram, Malaysia, Danmark, Germany, Norway, India, Australia, US, New Zealand, Sweden le hmundang kadang um rih mi, dawtu, hawikom ttha vialte CJC Khrihfabu, Thau, Khuami, A Nu, A Pi le Pu (Hakha um Kanu le Kapa), chungkhat cingla rualchan vialte,
Cun hawikom ttha vialte, nan umnak hmun cio in tha tampi nan rak pek i nan rak tanpi, like le share in siseh, caan pek le caan tampi la in thlacaamnak le ruahnak he a kan dirpitu vialte nan dihlak vialte cungah lunglomhnak chim cawk lo kan ngei i kan i lawm tuk hringhran.
Hi Miss a hmuhnak ding ah, cun Chin Youth Organization Of Indiana bantuk in timhtuahnak nganpi, nan kan tuahpiak ca zong ah nan cung ah kan i lawm tuk fawn.
Hi Share le Like hi a fawite mi asi ko. Asinain, micheu caah cun mah Facebook page i share hi mah le dirhmun cio sining hin afawi hrim lo. Asinain, kan fanu Paris tha a hmuhnak cun tiin a herhmi nan rak tuah cio mi hi nan kan dawt taktak nak a langh i kan hmuh khawhnak asi.
Mah ruang ah tha tampi a lak i, cucaah hi teinak a hmuhnak asi. 1. Pathian, 2. Nanmah dihlak nan si. Amah Paris lawng nih a tuah mi si lo. Kan zate kan si. Kan i lawm tuk hringhran ka nolh tthan. Cun hi hnu ah kan i dawtnak zong tu thil nih a fehter chinchin lai ti ka zumh fawn. Kan i lawm tuk. Credit: Ngun Chin
A tangah video link chiahmi na zoh khah sual lo ahcun HI KA HYPER LINK hi hmeh law video zoh khawh a si lai.
Video: Paris Sangbawi
Leave a Reply