MNDAA nih Ni 9Nak Tiang Ah SAC Ralkap Sakhan 106 An Laak Khawh Cang

1027 Operation Ni 9Nak Tiang Ah SAC Ralkap Sakhan 106 An Laak Khawh Cang, Shanram chaklei 1027 Operation kahdohnak a ni 9nak tiang ah SAC ralkap sakhan 106 cu chaklei hriamtlai phu unau thum nih an laak khawh cang, tiah MNDAA nih an thanh. Nihin November 4, zinglei suimilam 10:9 ah MNDAA nih Kokang peng Toneshan hmunram SAC ralkap sakhan 3 cu an laak chap khawh. Cun Shanram chaklei Lasho peng chung Pyituhsit sakhan 2 le Namkham peng SAC ralkap sakhan 2 a zate ah sakan 4 cu.

PSLF/TNLA nih an laak khawh, November 3, chunhnu 2:15 ah Namkham peng SAC ralkap sakhan le Htingkan khua pawng SAC ralkap sakhan 2 zong PSLF/TNLA nih a rak khawh, tiah theih a si. Chaklei hriamtlai phu unau thum lak i phu khat AA hmunram chung ah kahdohnak a fak i, a hlei in AA an cawlcangh biknak ralhmun Sagaing ramṭhen chung Htichaingh le Kawlin kiangkap ah kahdohnak a fak khun, tiah theih a si. Thawng dang relchap- Kawlin Khuachung Ah SAC Ralkap Nih Vanlawng In Kahdohnak An Tuah Caah Tualchung Mi 4 An Thi.

SAC Ralkap 30 Leng An Thi Ve, Sagaing ramṭhen, Kawlin khuachung ah tualchung hriamtlai phu le SAC ralkap kar kahdohnak a fah caah SAC ralkap nih vanlawng in kahdohnak an tuah i sualnak ngei lo tualchung mi 4 an thi, tiah tualchung mi nih an chim. Nihin November 4, zinglei suimilam 6 hrawng ah Kawlin khuachung ah kahdoh thawng a thang, leng zong kan chuak ngam lo.

Nizan chun ah SAC ralkap nih vanlawng hmang in kahdohnak an tuah caah tualchung mi 3 an thi,” tiah tualchung mi pakhat nih a chim. Nizan zan suimilam 8:00 hrawng ah SAC ralkap nih Jet Fighter in kahdohnak an tuah ṭhan i tualchung mi pa pakhat a thi, tiah Kawlin Revolution nih an langhter. Nizan November 3, Kawlin khuachung i kahdohnak ah SAC ralkap 30 leng an thi, ralkap 5 an tlaih khawh hna i tualchung hriamtlai phu in minung 1 a nunnak a liam i pakhat hliam a pu ve, tiah an chim.

SAC ralkap pawl cu Kawlin khuachung sianginn ah umhmun an khuar i vanlawng in kahdoh an bawmh hna caah Kawlin khuachung tualchung mi 10000 leng cu ral an zaam, tiah Kawlin Info nih an langhter. Kawlin khuachung ah zaam manh lo in a ummi tualchung mi hna cu inn leng ah chuak lo in i erh ding tuakchung hriamtlai phu nih ralrin an pek hna i, hliamhma pumi an um sual ahcun laakhruak pehtlaihnak le bawmh halnak khawhnak zong Kawlin Revolution – KR nih an langhter chih.