Model Jung Chae-Yul Nunnak A Liam

South Korea Lemcangthiam Model Jung Chae-Yul Cu A Umnak Inn Khan Chung Ah Ruak In Hmuh A Si, K-drama le Series lei ah lemcangthiam milar a simi Jung Chae-yul cu a umnak inn khan chung ah ruak in hmuh asi. South Korean lemcangthiam le model rianṭuan mi kum 26 upa Jung Chae-yul cu Vaupi 11, zanlei sang ah a thihnak konglam hi an langhter i, a thihnak konglam hi tutiang in an theifiang kho rih lo.

Jung Chae-yul hi Zombie Detective le ‘I Have Not Done My Best’ moive ruangah an ram nih anduh lo ning in a lar i hi movie hi biaknak konglam he a pehtlai mi si tiah theih asi. Jung hi K-drama series ‘Wedding Impossible’ ah muilangh lemcan ding in timtuah a si i asinain, caan rau lo te ah a nunnak a liam hi a si. Lemcangthiam model Jung Chae-yul thihnak kong he pehtlaiin, a tutiang ah biadik theihfian awk a um rih loh tiah an langhter.crd- Lungmili Post.

Thawng dang rel chap- Pyin Oo Lwin-Naungcho Ramri Ni 10 Chung Kahdohnak Ah SAC Ralkap 70 Leng An Thi,Mandalay ramṭhen, Pyin Oo Lwin le Naungcho ramri ah Mandalay PDF le SAC ralkap kar ah April 5 in 14 tiang kahdohnak a chuak i, SAC ralkap 75 an thi, tiah theih a si. Mandalay PDF cu 2023 thawk in Tapeyngeo operation min in Naungcho peng le Pyin Oo Lwin peng ramri hmun tam ngai ah April 5 in kahdohnak an tuah, tiah theih a si.

April 5 in 14 tiang kahdohnak ah SAC ralkap nih raltuknak Helicopter, Jet Fighter le hriamngan tampi an hman, tiah Mandalay PDF nih an langhter. April 11 le 12 cu kahdohnak a chuak lo nain kaphnih in hriamngan i kahdohnak a chuak. April 13 in kahdohnak a zual i April 14 tiang kahdohnak a chuak, tiah an langhter. April 10 kahdohnak lioah SAC ralkap nih, Mi-35 | YAK-130 | SU-30 in voi 15 tiang kahdohnak an tuah.

Cu ni ṭhiamṭhiam ah Mandalay PDF nih SAC ralkap sakhan an va kah caah ralkap 35 hrawng an thi. Kanmah lei in ralkap 7 nih an nunnak an pek ve i, 15 nih hliam an tuar, tiah an langhter. Ni 10 chung kahdohnak ah hin SAC ralkap 900 hrawng an si i, Khah Lay Yah 147, 253, 258, Khah Mah Yah 508, Ah Mah Tah 206, Khah Mah Yah 419, 14 le Naungcho pyituhsit hna an si. Cu kahdohnak ah SAC ralkap 75 nak tlawm lo an thi, tiah Mandalay PDF Nih cathanh an chuah.

SAC ralkap nih vanlawng in voi 27 an kan kah i, April 10 lioah anmah le anmah i palh in an i kah ruang ah ralkap 30 hrawng an thi chap, tiah an langhter. SAC ralkap a thimi hna hi kan mithmuh in kan chimmi an si i hi nakin a thimi an tam deuh kho, tiah Mandalay PDF nih cun an langhter.

Leave a Reply

Your email address will not be published. Required fields are marked *