Kawlram minthang minta Moe Aung Yin cu lamkam ah a-caw a zuarmi a si nain Parjerole motor aa cit kho tiah Han Nyein Oo nih nizan ah a kong cu a thlam in a tial cang. Nain nihin cu a kong tling tein a pholangh lawlaw. Han Nyein Oo nih Minta Moe Aung Yin kong a tial ning tein a tanglei ah tar chin a si.
“Aw! minta, duh ding na ngeih lo ca ah maw pasal he a um liomi midang nupi cu na tuai. Ritthaisii case in thonginn in na chuak nak hmanh a sau rih lo. Midang nupi chuhnak case in thonginn chung a lut than timi theih a nuam lai lo hi.”
“Atu Mya Thinzar Li pasal nih a nupi le Moe Aung Yin an sining a theih caah a dang tein a ihnak (an ihtti lonak) thlathum a si cang. Phung ning tein an i then rih fawn lo. Sihni he an i chawnhbiak cang. Zeitluk in a chia tiah cun a pasal cu phungki thuam a hruk ter i Moe Aung Yin cu an inn cung tiang a kaiter.
Atu (Mya Thizar Li nih) minta a pekmi Kyat sing 60 man suimilam zong hi amah phaisa in a cawk piakmi a si lo. An inn a rak leng mi an mikhual pakhat nih a philh ta mi suimilam a si. An pek thanmi zong a ngeitu thil si loin adang an pek than. Atu a ngeitu nih a hal than cang hna. Pek than ko uh. A theih lo bantukin i umter hlah uh. Hi ka lei nih an rak ka comment tuk cang hi.
Mintami a tuan tawnmi Mya Thinzar Li hi pasal pahnih a ngei bal cang. A pakhatnak a pasal cu Japan miphun a si. Cun minta hlun Khant Win he zong an thawngpang a leng bal. A hoikom thabik tiah ruahmi hmanh nih a nunzia a theih caah a komh duh ti lo. Atu cu a sipuazi zong a tla cang.
A motor hmanh a ba in a cawk. Minta (Moe Aung Yin) nih cun Boss ah a ruat i a tuai nain a palh cikcek cang. Atu a theih cang i a caan um lio te ah a nun a thleng khawh rih.”
A cunglei bantukin Moe Aung Yin nih a pasal he a um liomi mintami thing Mya Thinzar Li he an i tuainak kong cu Han Nyein Oo nih a website ah a tarlangh hi a si. Mya Thinzar Li pasal le Sihni chawnhbiaknak an ngei cang a ti i, Moe Aung Yin caah thinphang a si ko.
Ref: Han Nyein Oo
Leave a Reply