Rian pakhatkhat ah cunglei hruaitu sinah complaint tuah, a palhnak sawh piak ti bantuk hi mah pumpak nih ton bal lo zongah a um thio tawn. Cu bantuk complaint le palhnak i sawhpiak nak a um tikah hruaitu cheukhat cu aw ka kut tang riantuantu nih a chimhmi hi a dik mi a si ko ti duh loin aa chang pengmi hruaitu an tlawm lo.
Nain tu ka rak langhtermi India ram cozah meeting pakhat ah cozah riantuan officer nu pakhat nih kan office zunput hi a hnawm tuk i a rim a nam tuk tiah complaint a tuah caah Vuanci pumpak hrimhrim nih cu zunput cu a tawl i a thianh dih tiah theih a si.
Cu meeting cu kan hnu 2020, July 31 ni i tuahmi a si i cu cozah meeting ah Gwalior timi officer nu pakhat nih an office zunput a hnawm tuk i a hrim nam tuk tiah meeting ah a chim ti si. Cu ti Gwalior nih a chuahpimi cu Madhya Pradesh State in Energy Minister a tuan liomi Pradyuman Singh Tomar pumpak hrimhrim nih an office i nu zunput le pa zunputt pahnih cu a chek ti si.
A chek tikah Gwalior chimh bangin an zunput cu a hnawm i a nam tukmi a hmuh tikah Pradyuman cu amah pumpak hrimhrim nih cu zunput thianh ding in biachahnak a tuah ti si. Cu ti cun a herhmi thilri pawl aa zalh i nu zunput he pa zunput he thiang tein a tawl dih pinah tipung le hrai tiang in tha tein a tawl chih dih tiah theih a si.
“Hi bantuk thil hmete hi cu ka kut tang vuanthan pawl fial khawh an si ko. Nain inn thianhtu (House-keepers) hna nih an thianh dih ko zongah sikan a ngeilomi hna nih sikan an ngeih lo chung paoh cu hi zunput pawl an hnawm peng ko lai.”
“Keimah pumpak nih ka tawl piakmi hna cu hi zunput a hmangtu hna lungthin chungah Aw! kan vuanci hmanh nih tha tein a kan tawl piakmi zunput a si ti theih in sikan ngeih tein hman hna seh ti ka duh caah keimah pumpak nih ka tawlpiak mi hna a si” tiah Vuanci Pradyuman nih a chim ti si.
Ref: SH
Leave a Reply