By- Salai Dokhar: Malaysia in an rak tlun pimi Mai Sui Hlei Tial ruak kong he pehtlai in Mipi aiawh Palai pawl khoika dah an tlau?. 2010 thawk in thimnak kan tuah i nihin cu kumhra deng Mipi nih kan aiawh in chimreltu kan i ngeih cang. Cu caah Shan ram, Rakhine ram le kan hawi tlang cungmi umnak ram hna cu ralkap kut ah a thimi an um ah, ral ruang ah a thimi an um ah, crony pawl ruang ah a tuarmi an um ah mipi aiawh a simi Palai hna nih mipi lein an dir peng.
Cu a si caah harnak a tuar tu mipi hna nih kan aiawh rian ttuantu kan ngei timi an i fiang i Palai ttha ngeih a herhnak, democracy tling hmuh a herhnak an theih ngai cang. Sihmansehlaw, kan Chinram ahcun zeizong vial te hi Cozah kut cungah a um dih tiah a ruat dihmi pawl nih kan aiawh in rian an ttuan peng caah mipi a kan aiawh tu Hluttaw Palai pawl nih mipi harnak kan ton caan ah a kan chanh/dirhpi ti lo. Cu caah nihin ni tiang in Cozah rian tuantu hna nih Mipi zei rel loin thil an tuahmi cung ah kan aiawh in a chimtu ding Palai kan ngei ti lo.
Chinram ah cun a tu lio Malaysia in ruak an rak tlunpimi Thantlang khuasami kan far, kan fanu, kan unau nu a si mi Mai Sui Hlei Tial le a chungkhar nih an tonmi thil kan zoh tik ah tuar a hartuk hringhran. Sihmansehlaw, kan mah mipi nihcun ngeichianak kan hrawmpi mi leng in adang kan tuah piak khawhmi a um ti lo.
Hi kong ah Cozah nawl ngeitu pawl nih nuhrin covo, kan Lai nunphung, khrihfa phung le Sipin phung buar in rian an ttuanmi a si caah mipi aiawh a simi Thantlang peng MP palai pawl nih Mai Sui Hlei Tial le a chungkhar hna nih an tonmi ngeichiatnak hi an bomh/dirhkamh hrimhrim ding a si.
Mai Sui Hlei Tial i a chungkhar hna nih an tonmi ngeichiatnak cu Team Salai Dokhar nih kan hrawmpi hna.crd- salai Dokhar.
MP Candidate Salai Dokhar le DVC Media Biaruahnak ah salai Dokhar nih tulio a linsa ngaingai mi kan naunu mai Sui Hlei Tial a ruak thate in vui khawh a si lonak kongah a cawlcang nak le a hmuh ning cu a tang lei video kan chiah mi ah hin fiang te in a lang ter.
https://www.facebook.com/CFEILeader/videos/369460020856043
Leave a Reply