Myanmar Rammi 5 Le India Rammi 2 Cu Hriamnam He Aa Pehtlaimi Thilri He Assam Rifle Nih An Tlaih Hna

India ram, Mizoram ramkulh Saiha pengkomh ah Myanmar rammi 5 le India rammi 2 cu rupees sing 16 man, hriamnam he aa pehtlaimi thilri he Assam Rifle nih nizaan September 21 ah an tlaih hna, tiah theih a si.Runvennak zungin chimphuannak nawlngeitu palik Lieutenant Colonel Mahendra Rawat nih,

Kan tlaihmi hna cu airgun le a kuan, ralthuam, radio thil, raltuknak thuam angki banian, kuthrolh le kedan telh in rupees sing 16 man a si,” tiah a chim.Kan tlaihmi thilri hna hi Myanmar ram ah kalpi dingin an i timh pinah ralkap le raltuknak he aa pehtlaimi a si i, Myanmar ram chungah hnahnawhnak a pe khotu thilri an si caah kan tlaihnak a si, tiah a chim chap.

Hi thilri kan tlaihmi thawngin Indo-Myanmar ramri ah daihnak, hnangamnak le rualremnak sernak caah a biapi ngaingaimi a si,” tiah India cozah nih cathanh an chuah.crd-the chin post. Thawng dang: Chin ramkulh, Hakha khua chungah mifir nih dawr khan pahnih an bauh caah tangka kyats sing 18 le phone pahnih an fir, tiah theih a si. Hakha Matupi lam thluan um, Auto zung kam Toe Toe Lay dawr cu,

September 20 zaan ah mifir nih an bauh i, tangka le phone an fir.Toe Toe Lay dawr ngeitu nih, “Tangka kan khonmi sing 17 hrawng an lak pinah kan pa nih phone a remhmi Huawei phone 1 le a dang phone 1 an fir. Septembet 20 zaan sml 8:00 tiang dawr ah kan um rih. Cun kan chung le inn ah kan va leng i, kan ṭin lei sml 9:00 hrawng tiang hi an bauh rih lo. A thaizing zingka lawngah an bauhmi cu kan hmuh,” tiah The Chin Post ah a chim.

Kan dawr hmai dawrkhan zong September 21 zingka ah innka cu huncia in a rak um. caah an bauh ṭheo lai,  nain thilri a tlaumi bel a um lo, tiah a chim chap. Cu ṭhiamṭhiam in Matupi lam thlam View Point kainak pawng dawr khan 6 aa pehmi chungah Pu Bawi Tling dawr khan cu September 20 zaan ṭhiamṭhiam ah mifir nih an bauh, tiah theih a si.Pu Bawi Tling a nupi nih, “September 21 zing sml 6:00 ah kan dawr khan an bauhmi cu kan pa nih a hmuh.

MPT phone bill 45,000 man le tangka 30,000 hrawng an fir. Eidin dangdang zong an fir chih khawh men,” tiah The Chin Post ah a chim. September 20 zanṭim ah kan dawr pawng ummi hna nih pa pahnih cu lam cung an i chawh lio kan hmuh hna an ti i, cu hna cu an si hnga maw ti cu fiang in kan hngal lo, tiah a chim. Pu Bawi Tling cu a Hakha Matupi lam View Point kainak pawng ah luancia May thla lio ah khan eidin dawr a rak tuahmi a si.

SAC nih nawlngeihnak an lak hnu in Chin ram chung ah mi thilri chuh, inn bauh, tangka le cycle firnak atu le atu a chuak lengmang. Nawlngeihnak lak hnu in Hakha khua chung ah mifir an tam chin lengmang caah bia tak tein ralrin kan hau, tiah Hakha ummi pakhat nih The Chin Post ah a chim.crd-the chin post

Leave a Reply

Your email address will not be published.