Tennis lei kong van chim ah cun Rafel Nadala hi cu athei lo mi kan tlawm lai dah. Mipi nih tennis tuh thiam lei in an uar takak mi Rafel Nadala cu tennis player zuamnak zong ah champion laksawng zong voi tam pi a rak hmu cang mi tennis player thiam minthang pakhat asi. A rauh hlan te ah khan Nadal cu tennis player in a din cang lai timi thawngpang ruangah tennis fans asi mi hna cu an lauh tuk cio hna tiah yahoo sport news nih a langter.
Mah thawngpang a thanh tu zong hi news ngan taktak mi pakhat asi. Mah ruang ah tennis fans asi mi hna nih Nadal hi a din taktak cang ko rua tiah an ruah caah an hlauh ngai cio hna nak hi asi.A hnu ah thawngpang dik an thei than mi cu Nadal a din cang lai ti mi thawngpang cu a dik ko. A Si nain tennis player minthang Rafael Nadal cu asi lo.
Rang cit zuamnak ah champion asi mi mi dang Nadal tu asi tiah thawngpang dik cu an thei than. Rang cit champion asi mi Nadal cu a rau hlan te ah khan a ke pakhat le hliam hma a ngei caah zuamnak puai hna ah a tel kho lo ding asi caah rang cit zuamnak in ka din cang lai a ti hi asi tiah thei asi.Mah kong cu tennis fans hna nih news ah an hmu tik ah news chung taktak ah lut lo i a bia tlang an tar mi long an rel caah mah tluk in an lung an i lauh ternak hi asi tiah thei a si. Tennis player minthang Rafael Nadal cu asi lo ti thawng an thei tik cio ah an lung a lawmh tuk cio hna tiah thei asi.
Leave a Reply