Nai te ah amah le amah thah aa timhmi minu pakhat cu Myanmar Spirit Free Ambulance and Disaster Relief Team timi Rescue phu nih an khamhnak video tar langh a si. Nain cu kong he pehtlaih a ruang zeihmanh langhter chihmi a um lo i a tu ah kan van langhter than. Cu kong cu minu a khamhtu phu nih a tanglei bantukin an tial hi a si.
Chun laicer ah amah le amah thah aa timhmi kan naunu cu kanmah phu le tuanvo ngeitu hna nih a chungkhar kut ah kan chanh cang hna. Thah aa timhmi kan theih ning cu hi ti hin a si. Kan motor donhhlei cung a phan lio ah minu cu phone a chawnhmi kan hmuh.
A zal le a kedan hna a phoih i a tap. Phone a chawnh ko i pakhatkhat tuah aa timh rua kan ti caah motor ka dirter i kan phu chung in nu pakhat cu zeidah bawmh na duhmi a um maw tiah kan va halter. Cu ti a va hal lio ah kan thlahmi minu cu a pawng ratter a duh lo caah chitkhat kan hngakter than.
Kan thlahmi minu cu kan sin a ra i, donhhlei cung a ummi minu kan zumh lo caah lamhla nawn khin kan zoh ko. Cu ti cun donhhlei cung in tiva chung zuang aa timh caah kan tum i a kut in kan dawh. Cu ti cun tha tein kan hnem i tuanvo ngeitu hna he kan ceihti hnuah a chungkhar sinah ka pek than.
Amah zong thih duh tiang in ingtuarnak a ngeih caah a si lai cu. Thil sining cu mah ti hin a si. Theihternak an kan tuah caah kan bawmhmi a si lo. Donhhlei cung kan phan i kan tonmi a si caah Mask kan phoih. A rannak in kan tli ve caah Mask ihruk zong kan philh pah. A hnu ah kan ihruk than ko.
Kan theihciami rat hnawh a si lo tikah timhtuahnak kan ngei hmanh lo. Kan thinphang tuk ve caah mah le mah i runvennak zong kan philh. Minu kha Covid-19 mizaw si sual sehlaw kanmah lila ca zongah kan thei ve ti lo. President U Htun Nay Oo dirhmi Myanmar Spirit Rescue phu nih bawmhchanh duhnak thinlung he kan bawmhmi tu a si. Vice President Moe Man (Myanmar Spirit Rescue)
https://www.facebook.com/100014306686810/videos/pcb.976480552838825/976479502838930/
Video: Nan Yu
Leave a Reply