Namtong I Tuknak In Nu Pathum Hliamhma Fak An Tuar

Sagaing khualipi, Oebo sang ah thir tuhmui a tlaumi kongah August 10 ni, zanlei suimilam 4:30pm hrawngah namtong i tuk nak a chuak i nu pathum nih hliamhma fak an tuah tiah Sagaing myoma police station in theih a si.

Thil sining cu Sagaing myo, Oebo sang ummi Ma Ma Ma Phyoe cu an inn hmai ah a naule Ma Mi Mi le Ma Ma Paohsa he tiah an um ko lio ah an inn hnulei innhmun hmun khat ah a um ve mi an chungkhat U Soe Naing cu a lennak in a rak lawi kha an hmuh.

Cu ticun Ma Mi Mi nih an chungkhat U Soe Naing cu “thir tuhmui na la maw?” tiah a hal cun U Soe Naing aa cenat lo caah an kar ah bia alnak a chuak ti asi.

Cu ti cun U Soe Naing nih a pawng ah a ummi thing hlamnak namtong aa lak i Ma Mi Mi a tuk pinah a pawng ah a ummi Ma Paohsa zong a tuk ve caah Ma Ma Ma Phyoe nih chanh a timh hna. Cu ti cun Ma Ma Ma Phyoe ni a naunu pakhat ka dawh lai a ti lio ah U Soe Naing nih Ma Ma Ma Phyoe zong cu namtong in a tuk ve tiah police record ning in theih a si.

Cu namtong ituknak ruangah Ma Ma Ma Phyoe cu a lu le a kut ah siseh, Ma Mi Mi cu a lu ah le Ma Paoh Sa cu a kut ah hliamhma an tuah tiah theih a si. Cu ti cu hliamtuar hna cu Oaboa chitthat bawmtu phu motor in  Sagaing ihkhun 2000 tlum siizung nganpi ah an kuat hna tiah theih a si.

Cu kong he pehtlaih in sual tuahtu U Soe Naing (kum 47) cu Sagaing myoma Police station nih case number 550/2020, Upadi pohma 326 ning in case an tuah piak tiah theih a si.

Ref: ZM