By;Johnf thawng: Zakhain pawl nih an chim mi cu Tlang cung mi Cheukhat Chinmi telh in le NLD cung ah kan thinhunnak adai kho bal lai lo. Kumhnih chung akan that tu ralkap kha Raltei tu tiah Pangpar thi he nan rak don mi hna nih a tu cu an thah ve cang hna. Nan lung fim cang maw tiah an ti.Note: Chin State chung ah Falam khua zong nih an rak don ve hna an ti.
Thawng dang: Ralhrangbu nih Ralhrang cawlcanghnak Thawng pe tu hna Lawm man kan pek lai tiin a thanh Ralhrangbu, anti-terrorism central committee nih ralhrang phu le an cawlcanghnak thawngpang a kan pe mi hna cu lawmhman kan pek hna lai tiah August 27 ah a thanh.
Hi cathanh hi August 23 ah tuah mi SAC meeting ah chungtel hna nih SAC chairman sin ah an ruahnak an chim hnuah chuah mi a si i, thawng petu hna cu an thawngpek mi ningin kyat sing 5 in rikhiah mi um lo in pek an si lai.Mipi nih thawng nan kan thanh duh a si ahcun thawng pe tu min, umnak hna langhter le langhter lo zongah pek khawh a si i, an min le umnak hna cu thuh piak an si lai tiah a ti.
Ralhrang cawlcanghnak nih mipi himnak a hrawh pin ah ram le miphun si nak mual a pho tertu a si caah mipi vialte nih kan doh ding a si.Ralhrang cawlcanghnak kan ti tikah ralhrang phu ah a tel mi le cawlcanghnak ah a tel mi an si lo zongah SAC nih ralhrang phu tiah a thanhcia mi phu hna he pehtlaihnak a tuah mi vialte ralhrang cawlcanghnak ah pom a si.
Atu bantukin, thawng an kan thanhtu hna le an kan tlaih piak tu hna cu lawmhman pek mi nih a timh mi cu ramchung ralhrang cawlcanghnak cu mipi vialte nih tangrual in kan doh nak ding caah a si tiah cathanh nih a langhter.
SAC cathanh ah ralhrang phu tiah a langhter mi hna CRPH, NUG nih min a phun phun bunh in a dirh mi People Defence Force (PDF) hna an si. Mah hna nih cozah riantuannak hnahnawh an pek hlei ah mipi thihphaihin anmah bawmh dingin an ti hna tiah cathanh nih a langhter.crd-TCP
Leave a Reply