President Trump nih a ralai mi January 20 American Cozah thar rian i peknak ka tlamtlinter lai tiah a chim. Thimnak phichuak kong ah ka lungtling lo. Ka lungtlinlonak a ruang cu a fekfuan mi cherhchan a um ko nain January 20 i nawlngeihnak i peknak hi ka tlamtlinter ko lai. Upadi he aa tlak mi mee lawng rel in fehter ding tiah ka doh peng lai tiah ka chim peng.
Hihi President tuanbia ah term khat chung ah a tha bik mi a donghnak a si ko nain American ram a thancho khawh than nakhnga zuamcawhnak kan luh mi a donghnak a si ko, ” tiah President Trump nih a thanh mi ca ah aa tel. Trump cu January 6 zaanlei in a hman mi Twitter cu suimilaam 12 chung a off ca ah hi cathanh hi, President Social Media Director Dan Sacavino nih Twitter nih January 7 zing ah a thanh. Crd- the hakha times
Cadang relchap: American thimnak ah Joe Biden President a si cang tiah Hluttaw nih a fehter i a thanh – 2020 November 3 ah tuah mi American President thimnak ah Democratic Party in Joe Biden nih teinak a hmuh cang, tiah Congress nih a fehter cang. Joe Biden cu President thimnak Palai mee 306 a hmuh i, Trump cu 232 lawng a hmuh caah yithu Hluttaw, Amyotha Hluttaw fonh in Vice President Mike Pence nih a thanh hi a si.
President thimnak phu nih Hluttaw ah mee an rel lio ah Trump a tanhtu hna cu Hluttaw chung ah lut in duhlonak an langhter ca ah caan karlak Hluttaw meeting zong an ngol. Duhlonak a langhter mi hna le Humhimnak rian a tuan mi Palek hna ceihmainak an ngeih hnu ah Hluttaw cu an thok than i, an dih hnu ah atu bantuk in an thanh hi a si. Crd- the hakha times.
Leave a Reply