Beauty By Naychi Page in Beauty Blogger pakhat ah aa chuahmi Nay Chi Oo cu atu ahcun a hlawhtling ngaimi arfi pakhat bantuk in anuh-pinyia-tamaa puitling mintami pakhat a si ve cang. Nihin cu Nay Chi Oo nih hrintu nubuu pawl riantuannak caah an herhmi thilri tete le phaisa tam ngai a hlut hna i cu kong cu Beauty by Naychin page ah a tarlangh.
Hrintu nubuu pawl caah Nay Chi Oo nih a chungle le Beauty By Naychi Team he i fonh in Covid boruak chung i a herh ding mi puan, khiangthong le a herhmi thil dangdang cawknak caah hmang ding tiah phaisa sing 10 an hlut hna ti a si.
Nay Chi Oo nih nubuu pawl ca i a hlutmi pawl cu amah pumpak va kal in a va pek khawh hna lo caah mitam i pum khawh lo lio caan (lockdown lio) a si caah ka theihpiak thiam uh tiah nawlnak a tuah chih hna. Tu lio cu Kawlram chung zawtnak a karh tuk caah um kal rihkhiah in um a si.
Nay Chi Oo nih hi hnu voikhat tal cu ka dawtmi Chillies (a fan pawl) he i fonh in a hlu rak in pek rih ding in timhtuahnak ka ngei rih ti zong in a tial chih. “Nulepa cu mit hmuh pathian an si timi ka thinlung chung isem chih ding in a ka cawnpiaktu ka nu Daw Nwe Nwe San le hrintu nu vialte ca ah nan dawtmi Nay Chi Oo” timi cabia te in a hlu a pekmi tete a tarlangh fawn.
Tu bantuk harsat lio caan ah Nay Chi Oo nih anuh-pinnyia lei nubuu pawl cu amah hrintu a nu bantukin hmuh hna i, tlawmpal tal caah a thahnem hngaa maw tiah a hlu a pek mi cungah Nay Chi Oo fan pawl nih a nunnak aa dawhnak nan theih chin nak hnga kan vun tarpiak chin hna.
Ref: Celegabar
Leave a Reply