Ngakchia Chuakka Cu A Nulepa Nih Nun Then Thih Then In A Then Dih Hna

Ngakchia chuakka te cu a chuak hnu nihnih lawng a si ah a nu nih Covid zawtnak in a thih tak i a pa zong Quarentine in chiah a si ve caah a chungle cu thih then le nunthen in a then dih hna tiah theih a si. Hi hi Ma-upin myone chung ah a ummi an si i,Yangon siizung ah aa thlawpmi an si.

Thil sining cu ngakchia hrintu a nu cu September 14 ni ah nau ngeihnak siizung an phanpi i September 16 ni ah an pum an hlai i nau cu a ngei. Cu ti cun September 18 ni ah Covid zawtnak hrik cu an nufa ah an hmuh. Cun September 22 ni ah hrintu nu cu Phaunggyi ah an kuat i cu ni thiamthiam ah a nunnak a liam tiah theih a si.

An pa hi siizung ah riantuan riantuanmi a si i siizung a riantuannak ah Covid positive a si ve caah a dang tein Quarentine an chiah ve ti si. Ngakchia cu zawtnak hrik an hmuh hnu a thaizing ah a dam deuh an ti caah siizung in an chuakpi. Cu ti cun ngakchia te nih hringtu a nu cu thih then in a then i hringtu cu nunthen in a then hna. Zeitluk in an tuar hnga ti cu careltu nih ruah damh khawh a si.

Ngakchiate a chuakka a si tikah hrintu a nu cu nau ngeihka a thisa a no lio ah thla 9 chung a pawimi a fate he ithen a celh lo pah caah a lungfah khun in a nunnak tiang liam dawh a si.

Ngakchia pate zong cu vawlei cung hmanh ah ngakchia bik Covid mizaw ah a cang ko ne. A dam khawhnak le a hmailei a nun lamtluang caah Khrihfami nih Pathian sin thlacam bawmh ve hna uh sih.

Ref: Win Nyunt