Mi Nehsawhnak Um Ti Hlah Seh! [Say No to Bullying] tl tlangtaar he Gofundme Online in bawmh halnak ka tuahmi ‘tukvelh/nehsawh a tongmi Hakha um Ngun Dawt’ caah bawmhnak hmuhmi $2,602.67 [Kyats –2,408,604.10] – (ting kul le ting li le thong sawmriat le thong ruk le fang li le pia hra) cu nihin ah kuat a si cang.
Hi Kawlram tangka ting 25 deng cu amah Ngun Dawt duhning le hnatlaknak in Pi Zing Hnem min in kuat a si. Hi bawmh halnak hi zarh 2/3 chungah a si i $5 in100 tiang bawmhnak a petu Chin miphun hawi 71 kan si. Hi chungah, a phu in Thangzang Mino sinin $400 a lut.
Bawmhnak hmuh dingin tinhmi hi $2500 a si nain Zarh 2 chungah $2,683 a chuak. Gofundme lei in (service fee) an tan hnuah $2602.67 a tang. Atu lio cu tangka thlen a tum lio a si caah Kawlram tangka in ting 25 tling lo hi a chuaknak a si.
Hi campaign ah thil tha tanh in vel ngeihnak he dawtnak kut a samhtu vialte nan cungah lawmhnak langhter than ka duh. Bawipa nih nan pekchanhmi cungah a let in thluachuah in pe ko hna seh!
Pechantu vialte, pumpak email in lawmhnak ka chim cang nain hi ka hmun in nan zapi cungah lawmhnak ka rak chim than. Nan pekchanhmi zong tling tein ka kuat cang. Amah Ngun Dawt caah thahnem santlai a si lai tiah zumhnak ka ngei.
Chim cia bangin hi thil tuahmi cu; “Laitlang ah mi nehsawhnak, a phu phu in i tukvelhnak, asiloah mah le mah i tukvelhnak/fahnak i peknak um ti hlah seh” timi hmuitinhnak he tuahmi a si.
Thil tha tanh in dawtnak a langhtu vialte nan cungah lawmhnak a ngan hringhran. Bawipa nih thlauchuah in pe ko hna seh! Lawmhnak nganpi he,Salai Robert Ngun Sang.
Leave a Reply