Myanmar State Counselor Daw Aung San Suu Kyi cu nihin ah amah pumpak hrimhrim kal in thimnak lut ve dingah candidate sokhlua a va chia tiah theih a si. Amah cu 2015 election lio i MP a rak i zuam tthing nak Kawhmu myone ah Pyithut Hluttaw palai in aa zuam tthan lai tiah theih a si.
State Counselor Daw Aung San Suu Kyi cu nihin August 4 ni ah Candidate sokhlua a va chia hi a si i District Election Commission zungthen umnak Thanhlin myone ah amah pumpak hrimhrim nih a va kal hi a si.
National League for Democracy party President a tuan liomi State Counselor Daw Aung San Suu Kyi cu 2012 caankarlak thimnak le 2015 ram pumpi thimnak ah Kawhmu myone Pyithut Hluttaw palai in MP a rak tling mi a si. Atu ah a hmunhma tthing Kawhmu myone ah Pyithut Hluttaw candidate in thimnak aa cut than lai tinak a si.
DVB nih a langhter ning ahcun nihin Election Commission zung then umnak ah Daw Aung San Suu Kyi a rak dontu tampi an um bantukin amah report nak ca pek ding in a rami tampi an um ve ti si.
Election Commission zung pawngah DASSK report nak ca pek in a rami hna le NLD party chungtel cheukhat kar ah buainak tlawmpal a chuak tiah DVB nih a tarlangh chih hi a si.
Ref: DVB, Myaelat Tharlay
Leave a Reply