Kawlram ah CB Bank pakhat cu misual damiah nih an lut hnawh i phaisa tam lak te an kalpi tiah theih a si. Pantanaw myone, Myone laicer, Thiha lam le Anawyahtar lam kil i CB Bank pakhat misual damiah nih an lut hnawh hi a si.
CB Bank chungah nihin August 7, zinglei suimilam 10:30 am hrawngah mokaa angki rang, mask le kuthrolh naak aa hrukmi pa nih a meithal (pisto) aa tlaih i Bank riantuantu pawl cu meithal in a hmuh chih hna i a thih phai hna hnuah Kawlram phaisa Kyat sing (120) a chuh hna i a zampi tiah theih a si.
Mi cheu nih nih hi misual damiah nih an tlaihmi pisto meithal hi a deu a si kho an ti len ve. Minute 2:27 lawng a saumi CCTV video ah Bank chung customers 3 hrawng le Bank riantuantu minung 5 hna cu misual damiah nih cun a meithal in a hmuah chih len mi hmuh khawh a si.
Bank chung a rak lut i Bank riantuantu pawl umnak counter chungah phaisa sanhnak bag ngakmi a hlonh hna hnu ah meithal in a hmuh chih hna i cu bag chungah phaisa a rawnter hna.
Phaisa an rawn chung pah misual damiah nih pakhat hnu pakhat in a meithal cun a hmuah hna i a thih phaihmi video chung hmuh khawh a si. A tanglei ah cu video zoh chih khawh cio ding in tar chih a si.
https://www.facebook.com/100016852026775/videos/749549055616822/
Ref: Zin Moe
Leave a Reply