Then Ngai Oo Social life le Economic lein hmuh tawnmi biazai a tialtu nih a tial mi asi. Ca reltu hawi le hna sinah tuzing thawngpang chia pahnih tial ding kaa ngeih. Pakhatnak thawngpang chia cu police buu asi mi Myanmar police buu chungin riantuantu Police bawipa nih police buu chungin riantuantu police nu pawl rian kai nak duh ahcun tiin miatnak hmuh dingah thil a tuahmi kong ah hlahlainak an tuah lio asi ti mi asi. Rian kai nan duh ahcun Police bawipa he nu/pa sualnak nan tuah pi or ahucn nan rian an kai ter colh lai tiin ti asi. Hihi thil hman taktak asi sual ahcun Myanmar police buu chungah ningzah mualpohnak taktak asi ko lai. Kan bomh kho hnga maw tihmi caa aa tarh mi Police buu nih nawl ngeihnak an ngeihmi kha dinhlo in an hman sual ahcun ningzah tuk ding asi cang.
Hi bantuk thil kong ahhin cun minung tlawmte lawng nih tuahmi thil asi lai caah mipi nih cun thil dinh cungah dir hi an duhmi asi ko caah thil dinh a chuah kho nak ding caah nawlhnak zong an tuah lai ti kan zumh ko. Hi thil asi hnu ahhin cartoonist le biaza tial thiam pawl nih biatak tein an do mi asi ve. Lung aa nuam lo ngai mi cu police nu pawl cheukhat ningzah nak ngeihlo in hi thil bantuk asi mi thil cungah a dir ve mi an um caah an caah cun ngaichiat ngai asi. An hmai zahnak kha kal tak riangmang I hi bantuk thil cungah an um kho ve mi hi zangfak cu asi ve.
A dang pakhat cu media pakhat dirhmun i President zung in bia chimhtu U Zaw Htay nih hi thil hi a si taktak mi asi ahcun phung ning tein bia ceih nak kan tuah hrim hrim lai a rak ti bal mi asi. Hi bantuk thil hna hi cu media pawl nih zong tiah tak tein an phuan ve hrim ahau mi thil asi. Thawngthanhtu cheukhat cu hi bantuk thil hna hi ralthat tein an tial ngan lo, cun cozah lei nawl ngeihtu hna nih ding tein bia ceihnak an tuah lo caah thawng laktu cheukhat cu thil dinh ah an um ngan ve lo hi asi.
Ningzah ding thil hi cu ningzah ding thil ah kan chiah kho ahcun a tha lai. Kan social life ahhin ningzah ding thil cungah ningzah nak ngeih lo nain kan riantuan hawi kan nau lei sinah a miat a kawl mi cung lei bawi pawl zong an rak um hi kan van chiatnak an si. Hi kong hi tialtu saya le biaza tialtu pawl nih bia tak tein an rak do bal cang mi asi 1997 lio asi. Nain human social life ah minung hi minung bantuk um loin saram bantuk kan cang tihmi ruahnak tha lo hna tampi aa kharh chin chin cang caah a atheihthiam lohmi chungah hi bantuk thil hna an tlung hi asi. Tu chan ahcun saram hman nih zangdar mi kha zaangfahnak a ngeih chan an si cang mi kan chan ah minung fa nih hi thill hna kan ruah kho lo ahcun minung kan si hi man kan ngeih kho ti lai lo Ref 7days news Journal.
Leave a Reply