Nizan A Pu Cristano Ronaldo A Tuah To Ning Cu A Fak Ko

Nizan Portugal le Switzerland an i tong lio ah Portugal team lei in captain simi Cristano Ronaldo cu a pu nih thutdan cungah caan saupi a thutter hnuah a chuihter than i zeihmanh a tuah kho tilo, mah ban tuk in Cristano Ronaldo thut ter a si mi cu a mah tanh tu a fans pawl an lung a fak cio, pinah pu do cu online media zawimaw zat ah a a thin hun nak le a mithmai a panh lo zia hmanthlak tete an pho zar cio.

Mah kongah Cristano Ronaldo le a pu kar theihthiam lonak a um maw ti bel an mah lei nih zei hman chimphuan nak a um lo, nain mipi nih cun Cristano Ronaldo a panh lo zia hmuh khawh a si. Ca dang rel hmasa-Pauk Ah Phungki Pakhat Le Sianginn Uktu Pa Kah Thah An Tong, Non-CDM Sianginn Sayamah 4 An Tlaih Hna, Magway ramṭhen, Pauk peng Kukar khuakomh Paukchaung Alay, khua ah phungki pakhat le sianginn cachim saya pakhat kah thah an tong, tiah theih a si.

December 6 zanlei sml 2:00 hrawngah Paukchaung Alay khua um khua, siangniamrun sianginn uktu Win Naing(kum 50) le saya, saymah vialte cu sianginn chung an um lioah hriamtlai phu khat an lut i sianginn uktu pa cu sianginn leng ah an chuah i an kah thah, tiah tualchung mi pakhat nih a chim. Hriamtlai minung 20 hrawng cu cycle in an lut i sianginn uktu pa cu an tlaih hnuah sianginn leng ah an thah. Cun sianginn chungah phungki pa pakhat zong an thah.

Cu pinah Non-CDM sianginn sayamah 4 zong an tlaih hna, tiah a chim chap. Cu kah thahnak kong he pehtlai in Southern Pauk Guerrilla Force, Companny 1 in Lieutenant Pe Thi nih, “Non-CDM sianginn sayamah 4 tu cu ṭha tein kan zohkhenh ko hna. Sianginn uktu pa thahnak kong tucu kan ralkap hna sinin thawng an kan pe rih lo,” tiah a chim. Kah thah a tongmi sianginn uktu pa le phungki pa ruak cu khuami nih nihin December 7 ah an vui hna, tiah theih a si.

Leave a Reply

Your email address will not be published. Required fields are marked *