Nizan CNF Cathanh Chuahmi Cungah Salai Ai Sum Kho Ti Lo

CBC-USA nih ‘kan ram zaamtak caan a si lo’ tiah refugee sawk an duhlonak cathanh an chuah. CNF zong nih tuni cathanh an chuah ve i ‘refugee kong tawlrel lo ding, Chin mipi zong refugee sawk forh lo ding’ tiah ralrin peknak an tuah ve. Hiti cathanh a chuahtu dihlak hi refugee a sawk i ramtha a phan ciami lawngte an si fawn. Ningzah kan thei lo ning hi. ‘Keimah cu vawlei vanram ka phan cang ko i nannih cu ra ve bak hlah u, ralram ah rak um ko u’ ti cu a mak ngai ko.crd-By Salai Lungthli Tum,

CNF cachuah: Atu lio i kan ton cuahmah mi ramkhel buainak hi caanṭha ah lak riangmang in Chinram chuahtak dingin ramthum ah zaam, i dor (Refugee Status) le ramthumnak ah ramkhel dornak tuah dingin Chin mipi hna sinah lemsoinak, forhnak le thapeknak tuah lo dingin Dec 4, 2021 ah CNF nih cathanh an chuah.

An cathanh ah cun “CNF cu ralhrang bu uknak kha hrawh in Federal ramkomh ser dingah NUG, tualchung runvennak ralkap le tlangcung hriamtlai bu hna he i bawm in nunnak thap in mipi caah dohthlennak kan tuah cuahmah. Rambuai ruangah Chin miphun zatuak 20% hna cu ralzam dirhmun an phan. Atu hi Chin miphun dihlak kan lung aa rual bik lio caan a si. Cucaah Chinram cu zapei kauh hmanh kaltak loin Chin miphun hna himnak,

Chinram runvennak le hmailei kan miphun caah tiin ralhrang bu doh in ramkhel buainak nganpi (National Emergency) kan ton lio a si” tiah an ṭial. Hi ramkhel buainak hi caanṭha ah i lak in a Chin mipi hna kha Chinram chuahtak i ramthumnak ah kal dingin sawmnak, forhnak le thapeknak tuah hrimhrim lo dingin CNF nih cun theihternak cathanh an chuah hi a si.crd-the chin post.

Thawng dang; Thantlang ah Nungak Pakhat SAC Ralhrang nih an Kah, Khuahringtlang lei in Thantlang ah thilri lak ta ding in a kalmi nungak Rachael (kum 23) cu SAC ralhrang nih meithal in an kah caah hliamhma fak ngaiin a pu, tiah Thinghual khua upa sin in thawngpang kan theih.

Thinghual khuami saya Bawi Lian nih, “Nihin zinglei ah khan Thantlang ah thil va lak ta ding in Rachael le pa pahnih an vung kal. Mah cun ralkap nih an rak kah hna i Rachael cu a paw ah an khen. Atu hi kan khua lei ah an rak tlunpi lio a si. A hliamhma a fak pah ngai an ti. Kan khua cu an phakpi rih lo,” tiah The Chin Journal ah a chim.

Aluancia October 6 ah khan Thantlang ah thil lak ding in a tlung tami sianginn cathimtu saya Thomas (kum 35) zong SAC ralhrang nih an rak kah i a liang ah hliamhma a pu. Atulio Thantlang khua kal kong he pehtlai in saya Bawi Lian nih, “Kei zong thil lak ah Thantlang ah ka kal bal. JMBC biakinn rii in chaklei khi cu kal awk ah a him lo ngaingai,” tiah a chim.TCJ

Ca dang relchap; Yaw Peng Thil Phur Mi Mawtaw Chung Ah Rithai Sii An Hmuh, An Tlaih I Mei In An Duah, Mawtaw Khaltu Cu Biakamnak He Min An Tthut Ter I An Thlah, Gangaw-Kalay lam ah thil phur mi mawtaw chung ah rithaisii an tlaih, an tlaih i mei in an duah, mawtaw khaltu le a hnuzul cu biakamnak min kan tthut ter hna i kan thlah hna tiah YDF nihin december (4)ah a thanh.

November (25) Gangaw- Kalay lam Taungla khua le Letpan khua kar thil phur mi mawtaw an chek i sii car le YW rithaisii le cheukhat an hmuh. Cu rithaisii cu minung pa khat hman mi zat lawng a si, zuar ding in phurh mi si lo caah mei in kan duah tiah an chim. Mawtaw khaltu le a zultu pa cu biakamnak min kan tthut ter hna.Tu hnu rithai sii nan phurh kan hmuh than si.

Cun dantat nak fak kan in pek hna lai tiah ralrin kan pek hna i kan thlah than hna tiah an tial chih. Kalay-Gangaw lam ah rithai sii telh in thing fir le Ralhrang thilri phurh lo ding in YDF nih ralrin a pek.TFT

Leave a Reply

Your email address will not be published. Required fields are marked *