Tu zan cu NLD caah thawngțha taktak thanh asi cang. NLD a der cemnak – vote teinak A harnak – Khua/Myo 15 ah Election tuah ti loding in The Union Election Commission (UEC) nih thanhnak an tuah.
Cun Kachin le Karen zongah Ohsuh (Khua) tampi an um rih. NLD caah cun Hallelujah Amen tiphu khi asi tiin ka ruah. Paletwa zong hei telh lawlaw awk asi ve ko nain. Hi hi Jacob R. Thawng nih a facebook ah a tarlanghmi a si.
Rakhine ramkulh chung in thimnak tuah lo dingmi myone pawl cu Pauktaw, Ponnagyun, Rathedaung, Buthidaung, Maungdaw, Minbya, Myebon, Mrauk-U timi pawl myone 9 dihlak le Kyaukpyu myone in sang sang 2, Ohsuh 52, Ann myone in sang sang 3, Ohsuh 29, Sittwe myone in Ohsuh 4, Taungup myone in sang sang 10, oksu 52 hna chungah thimnak tuah lo ding a si lai.
Shan ramkulh cung in thimnak an phitmi myone hna cu, Mong La, Pan San (Pang Kham); Namhkam, Mongmao, Mongyai, le Mong Kung timi myone 6 an ningpi in, Kyaukme myone in Ohsuh 12, Nawnghkio myone in Ohsuh pakhat, Mantong myone in Ohsuh 2, Mong Khet myone in Ohsuh 4, Mong Yang myone in sang sang 2 le Ohsuh 13.
Mong Hpayak myone in Ohsuh oksu 1, Mong Yawng myone in Ohsuh 8, Kutkai myone in Ohsuh 4, Muse myone in sang sangkhat le Ohsuh 9, Metmai myone in Ohsuh 17, Mong Ton myone in Ohsuh 3, Tangyang myone in Ohsuh 11, Lashio myone in Ohsuh 6, Kunlong myone in Ohsuh pakhat, Konkyan myone in Ohsuh pakhat, Hopang myone in sang sang 5 le Ohsuh 12 hna an si.
Nihin RFA nih a tarlangh ning ahcun Chin ramkulh chungah thimnak tuah dih si dawh a si. Chin ramkulh hi NLD an thawnnak ramkulh pakhat a si ve tikah ramkulh dang myone tampi ah thimnak an phit nain Chin ramkulh cung cu myone pakhat hmanh thimnak phit a si lai tiah thawngthanhmi theih a si rih lo. Cozah a tlai liomi NLD nih a duh paoh in UEC a tungmer ko.
Ref: Jacob R. Thawng, RFA
Leave a Reply