NLD Nih Election Campaigner Ah Dr Sa Sa An Telhmi Cu Amah Lungtlinnak Aa Tel Lo

Tulio cu NLD nih Chin ramkulh chung teinak an hmuh khawhnak hnga mipi thinlung latu Election Campaigner minung 10 an thimnak ah Chin miphun nih kan zohthla ngaimi  le kan i bochan ngaimi Dr. Sa Sa zong an telh ve.

Cu kong he pehtlaih in Chin miphun kar ah ceih ngai a si. Kan hnu zongah fb page pakhat nih Dr. Sa Sa cu NLD ah a lut timi bia chawkvai a chuak a ti i Chin party pakhatkhat ah lut ding in forhfialnak ca a tial.

Nihin ah Zasang Cinzah facebook ngeitu nih Dr. Sa Sa kong cu amah lungtlinnak tel loin amin an telh chih tiah mi sin a theih chinmi  a fial. Zasang Cinzah nih a tialmi cu a tanglei bantukin copy paste in ka van tar chin.

Dr. Sasa Kong ah bia fiang pakhat a chuak. Chin State NLD Campaign Team ah Dr. Sasa a min an telhmi kha amah “consent/lungtlingnak” aa tel lo tiah Dr Sasa he aa chawnhmi sin in ka theih.

NLD lei in chim-chawnhnak cu an ngei ko nain, bia a leh hna lo. Asinain, catlap ah official in a min an telh tikah amah zong a khuaruah a har ngai ve tiah a peh.

Dr Sasa hi NGO riantuantu a si i, zeibantuk party hmanh ah membership a lami a si lo tiah an chim. Naite ah an dirhmi Chin National Organization tu ahhin a telpi hna i, Vice President a tlaih piak hna tiah ka theih.

Source: Zasang Cinzah