NLD Party A Rawk Lai Lo + Video

Mizapi an ngandam a biapi i rammi mizapi a umchung pohpoh cu NLD party a rawk lai lo,” tiah Daw Aung San Suu Kyi nih a voi khatnak bik pumpak hmaitonh biaceihnak ah a chim. Sualphun 7 in tazacuai mi Daw Aung San Suu Khyi cu June 7 ah a voi hnihnak hmaitonh biaceih a si than te lai.crd-the hakha times.

Note; tuni nih a voi khatnak bik pumpak hmaitonh biaceihnak ah Daw Aung San Suu Kyi nih kong lam toi le a bia chimmi cu Daw Aung San Suu Kyi nih Sihni Dawh Min Min Soe nih video chung ban tuk in thawng lian nak a tuah, mah a link hi /khitthitnews/videos/88 click hmeh piak law a video na zoh khawh lai.

Ca dang relchap; KDPF nih Non-CDM Zung le Mi rawitu(Dalaan) Inn pawl an khangh piak hna, ralzaam 1000 renglo an um cang A tu lio Karenni ramah Karen Mipi Ralkap (KPDF) le Ralhrangbu kar i kahdohnak a tam. May 23 zarhpi ni ah KPDF nih Dongkha, Demoso le Ngwaytaung ralhrangbu umhmun hna cu an lak piak dih hna hnu ah mah lamthluan ah a um mi Non-CDM le mi rawitu (Dalaan) inn pawl zong an hrawh piak dih tiah theih a si.

Demoso-Lwekaw lamthluan Demoso GAD zung, Elektrik zung, Biaceihnak zung le Ngwaytaung mi rawitu (Dalaan) inn pakhat an hrawh tiah theih a si. May 23 Demoso pawng Mobe, Sanpia meng 6 i kahnak ah ralhrangbu Minung 40 leng an thi. Ralhrangbu umhmun hna cu mei im an khangh piak dih hna caah ralhangbu pawl cu Minung 600 hrawng an i chap i Meithal ngan, meithal hme he khuachung an kah pinah Khrihfa Biakinn pakhat zong an hrawh.

Ralhrangbu nih khuachungah meithal ngan in an kah, mipi zong ngan lo in an kah caah Nunau, hngakchia le tar pawl 1000 hrawng cu Kaya-taryar ah an zaam cang tiah theih a si. Karenni Mipi Ralkap- KPDF le ralhrangbu kar ah May 21, 22 Demoso, Bawlakhe peng chung i kahnak ah Mipi Ralkap nih ralhrangbu um hmun pahnih cu an khangh piak dih hna tiah theih a si.crd-the chin post.

Leave a Comment

Leave a Reply

Your email address will not be published. Required fields are marked *