Myanmar ram pumpi hmunkip ah SAC ralkap le tualchung hriamtlai phu kar ni 5 chung an i kahdohnak ah SAC ralkap 505 an thi, tiah theih a si. November 1-5 tiang kahdohnak ah SAC ralkap 505 leng an thih pinah minung 87 an tlaih hna, minung 63 cu hriamnam chia in mipi sin ah an i fonh, tiah theih a si. Ni 5 chung SAC ralkap le tualchung hriamtlai phu kar kahdohnak ah Sagaing ramṭhen le Shanram chaklei in.
SAC ralkap a thimi an tam bik, tualchung hriamtlai phu in minung 11 nunnak a liam ve, tiah theih a si. Ni 5 chung kahdohnak ah a thimi zat hi Khit Thit Media nih an khawmhsuat khawhmi chung in laak mi a si i, atu langhtermi nakin SAC ralkap a thimi an tam kho, tiah zumh a si. Thawng dang relchap- Kawlin Peng Palik Sakhan Cu Tualchung Hriamtlai Phu Nih An Laak, Ramkhel Tongtla Zong An Chuahpi Hna.
Sagaing ramṭhen, Kawlin peng palik sakhan cu ni 3 chung tualchung hriamtlai phu nih an kah i November 5 ah an laak khawhnak kong cu tualchung hriamtlai phu hna sin in theih a si. November 3 thawk in Sagaing ramṭhen chung Kawlin peng palik sakhan telh in SAC ralkap sakhan le palik sakhan hna cu tualchung hriamtlai phu nih ni 3 chung an kah hnu, November 5, zanlei suimilam 5:30 ah an laak khawhnak kong cu Kawlin Revolution le Kawlin Info nih an thanh.
Tualchung hriamtlai phu hna nih Kawlin palik sakhan an laak khawh lawng si lo in ramkhel thongtla pawl zong an chuahpi hna i a himnak hmun ah an umter hna, khuachung ah a taang rihmi tualchung mi pawl zong kan si khawh chung in kan i zuam lai i a himnak hmun ah kan kalpi hna lai, tiah Kawlin Revolution nih an thanh mi ah an langhter.
Kawlin khuachung kahdohnak ruang ah tualchung mi chung in a thimi zong an um ve i, zaam kho lo in khuachung ah aa hreng mi zong an um, phone line a ṭhat lo caah pehtlaihnak a har ngaingai i Kawlin khuachung dirhmun a zualhma ngaingai, tiah tualchung hriamtlai phu hna nih Khit Thit Media ah an chim.
Leave a Reply