Nu Le Pa Nih Kan Fa Lei Thingthei Tete Ei An Thiam Tikah Durian Hi Ei Ter Awk An Tha Maw

Nu le Pa nih  kan fa lei ei an thiam tikah thingthei tete kan ei terh tawn hna kan chungchuah an si bantukin kan dawtuk caah an duh mi te an kan hal paoh ah pek lo kan um siang hna lo. Kan dawt ruangah asi ko nain nu le pa a si mi nih kan fa le caah zeidah a tha lai i zeidah a tha lai lo ti kha kan theih piak thiam lo ahcun kan fa le caah harhnak nganpi a chuah kho mi ei le ding kha iralring thiam ka hau ve.

Sii lei in Dr Thurein Hlaing Win nih a tial nak ahcun ngakchia hi Durian thingthei ei ter aw an tha maw ti ahcun ei ter awk an than ko nain Durian thingthei ahhin Vitamin a tam caah Sugar tampi aa tel tiah ati. Durian thingthei ahhin Protein Vitamin C Calcium le Phosphorus tihmi iron tihmi pawl an I telh ati. Cucaah ngandamnak caah cun a tha ngai mi asi ko tiah ati.

Nain atampi cu pei hla u a ti ve Durian thingthei ahhin Vitamin phunphun aa telh ve ko nain ngakchia caah a tha lo ngai mi cu an pawpi caah asi. Ngakchia cu an ha than tein a fek ri lo caah Durian kha tha tein an khai thiam ri lo caah an pawpi nih tha tein rian a tuan kho lai lo cucaah an paw afak lai an chung a tli  lai. Cun Durian thingthei hi a lin mi phun a si caah ngakchia nih tampi an ei sual ahcun an hrawng a fak lai. Cucaah kumkhat an tling hlan paoh cun Durian thingthei hi ngakchia ei ter lo in a tha bik ko lai.