Russia cozah ngeihmi nuclear thazaang lei ṭuanvo ngeitu phu Rosatom le SAC Ministry of Science and Technology cu nuclear he pehtlai in ṭuanṭi ding kong October 11 ah kaphnih kar hnathlaknak minsen an thutnak kong Rosatom nih an langhter. Myanmar ram chung nuclear sernak ding innpi saknak ding ca ah bawmhchanh le nuclear a fa deuhmi sernak ding sehzung saknak ding an suaisamnak kong zong Rosatom nih an langhter chih. Rosatom le SAC Ministry of Science and Techology nih hnatlaknak minsen an thutmi ah cun,
Myanmar ram mi ṭhanchonak ca le nuclear thazaang ṭhawnnak hna an si i cu minsen cu Rosatom Director Alexey Likhachev le Union Minister Dr. Myo Thein Kyaw nih an thut. A luancia 2022 July 11, SAC Chairman Min Aung Hlaing cu Russia a rak tlawn lioah Rosatom Director Alexey Likhachev he tonnak ngei in nuclear kong he pehtlai in cawnnak ngeih ding le ṭhanchoter ding tiah hnatlaknak minsen an rak thut balnak kong cu Rosatom nih an langhter.crd- The Chin Post.
Thawng dang: Kalay – Maharmyaing Motor Lampi Ah Motor 800 Leng An Taap, September thla dongh hlan deuh ah a rawkmi Kalay – Maharmyaing motor lampi cu tukum hi a chiat bik a si lai tiah zumh a si. Thilphurh a har ngai caah tualchung mipi nih thilman kai lai an phang ngai, tiah theih a si. Kalay – Maharmyaing lampi cu a chiat tuk ruang ah Mandalay in Kalay ah a kaimi motor hna cu Maharmyaing lampi hmang ti lo in Mandalay – Gangaw – Hakha – Falam lei ah i hel in Kalay tiang an zuang tawn.
Atu hi Kalaymyo ah cun datsi, diesel a donghcah lio a si i dawr lian cheukhat hna cu an i khar. Dawr lian pakhat a simi Oso dawr zong an kharnak zarh khat tluk a si cang. Kalay datsi man hi Falam nak hmanh in a fak deuh i, 1 litre ah 17,000 Kyats a phan” tiah Kalay khuachung mi pakhat nih Zalen ah a chim. Kalay – Maharmyaing motor lampi ah aa taapmi motor hna ruang ah hin Kalaymyo ah thilman a kai ahcun Kalay ah thil a cah chommi Falam ca ah thilman a kai tuk sual lai tiah tualchung mi nih an thinphan kong an chim.
Nizan October 10, thawk in Falam ah datsi man 15,000 Kyats in 20,000 Kyats ah a kai tiah theih a si. August thla thawk in Kalay – Maharmyaing lampi cu atu bantukin a chiat tuk ruang ah a cheu thilphur motor hna cu accident an tong, a cheu motor cu a tanglei seh thilri zong a rawk ngai i thilphur motor cheukhat cu leithuannak seh in lam ṭhatnak tiang an hnuhdawh tawn hna, atu hrawng hi motor 800 hrawng an taap lio, tiah theih a si.
Leave a Reply