NUG Dah Tilo Ruah Channak Dang A Um Lo

ASEAN meeting le five points sullam cu ralhrang nun khuasa ko seh tbk a si. Ralhrang he political solution kawl than ding cu kan ram kongah ka ruahchannak a um ti lo. Ka hnabei a dong cang. NUG nih a kan hruai khawh a si le tha pek ding. Kan ral hi ahohmanh nih teipiak phun a si lo. Kanmah tein kan doh i tei a haumi a si,crd-luther tin hre.

Tuni thawng pang relchap; Asean Summit ah Myanmar Kong Zapi Lungtlinnak 5 an Tuah Khawh, Indonesia ram, Jakarta khuapi ah nihin ah an tuahmi Asean ramhruaitu hna tonpumhnak ah zapi lungtlin biachahnak 5 an tuah khawh, tiah thawng kan theih. Lungtlinnak an tuahmi 5 cu: 1.Myanmar rammi hna cung ah puarhrannak (violence) tuahmi vialte a rannak in ngol colh ding.

2.Rammi hna zawnruahnak he ttuanvo ngeitu bu vialte nih a theitlai dingmi biaruahnak ngeih ding. 3.Asean chairman hruaimi palai bu nih Myanmar ram kong bu kip he ton biaruahnak ah tlangtlak ding. 4.AHA Center hmang in Asean nih Myanmar rammi hna bawmhchanhnak pek ding. (Humanitarian Assistance).

5.Myanmar kong sermi Asean palai bu cu Myanmar ah an kal lai i ttuanvo ngeitu bu vialte he tonnak ngeih ding timi hna hi an si. Nihin Asean Summit ah Malaysia, Singapore le Indonesia telh in ramhruaitu tampi nih Myanmar mipi lei dir in bia fak piin an chim hna.

Tawng dang relchap; Indonesia ah Myanmar Ralkap Uknak Duhlonak a Langhtertu Cheukhat Tlaih an Tong, Asean Summit kai ding in Indonesia ram ah Min Aung Hlaing a phak lecangka in Indonesia zatlang bu pawl nih duhlo langhternak an tuah i, Indonesia palik nih duhlo langhternak a tuahtu cheukhat an tlaih hna.

Atu tan Asean ramhruaitu hna tonpumhnak ah Myanmar kong biapi in ceih an timh i, Myanmar uknak chuttu le rammi 740 hrawng a thattu Min Aung Hlaing an sawm ve caah Democracy le Nuhrin Covo a dirkamhtu Indonesia zatlang bu pawl nih khua tampi ah duhlo langhternak an tuah hna,crd-The Chin Journal

Leave a Reply

Your email address will not be published.