September 7, nizan zinglei ah NUG cozah Acting President Duwa Lashi La nih Myanmar ram pumpi huap dothlennak ni a thanh. Hi kong he pehtlai in US ramleng vuancizung chimnak nawlngeitu nih “Myanmar ah a cangmi buainak hi kahdohnak in tuahremh i zuamnak cu kan cohlang lo” tiah a chim.
NUG nih D-Day a thanhmi kongah US Cozah lungput zeitindah a si tiin RFA nih biahalnak an tuahmi cu US ramleng vuancizung chimnak nawlngeitu nih email in lehnak a tuah hna. Cucu a tanglei bantukin a si. “NUG nih D-Day a thanhmi kong cu kan rak theih ve. Atu i Myanmar ah a cangmi cuahmahmi buaibainak hi kahdohnak in tuahremh i timhnak cu,
US cozah nih kan cohlang lo. Biaruahnak in tuahremh i zuam dingah tuanvo ngeitu vialte kan forhfial hna, Cu lawng si loin nawlngeihnak latu ralhrang nih kahdohnak vialte ngol ding, Myanmar ram cu democracy uknak ah ser than ding le tlaihmi violate thlah than dingin US cozah nih halnak kan tuah, tiah a chim fawn.
D-Day thanhmi kongah UK cozah zong nih “kan cohlang lo” ti cu an chim ciah lo nain US cozah bantukin phun in bia an chim ve. UK ramleng vuancizung upa Pete Vowels nih a twitter ah “Myanmar ah democracy a um than khawh nakhnga biaruahnak in a lam kawl dingah tha kan pek. Ralhrang nih nawlngeihnak an lakmi le ruru hranghrang in an cawlcanghmi cu fak piin kan mawhchiat” tiah a tial.crd-the chin post.
Thawng dang : CDF-Kanpetlet le YDF-Saw an i bawm i Council ralkap he an i kap; Council ralkap 20 hrawng an thi tiah an thanh, Chin ramkulh, Kanpetlet peng le Magwe ramthen Saw peng ramri ah raltuk ding in a rak kai mi SAC ralhraang pawl cu tual chung CDF-Kanpetlet le YDF-Saw aa bawm mi phu he September 6, zaanlei sml. 4:00 hrawng in suimilaam pahnih chung an i kap i SAC ralkap 20 hrawng an thi,
tampi hma an pu tiah CDF-Kanpetlet nih a thanh. Cu raltuknak ah cun CDF-Kanpetlet in minung pariat le YDF-Saw in minung pathum hma faak tuk lo (Nunnak ca thinphaang a si lo mi)an pu ve tiah an langhter. crd-the hakha post.
Leave a Reply