Caankarlak Myanmar cozah NUG nih a sermi People Defense Force (PDF) training limnak nihin (May 28) ah an tuahmi cu CRPH nih a langhter. NUG nih Myanmar ramchung ah PDF Command Center 5 in a ser i, atutan training a limmi hna hi SAC ralhrang do ding in PDF Southern Command ah a pum aa pemi mino pawl an si hna.
Training limnak hmun ah NUG Home Minister U Lwin Ko Latt nih a telpi hna. Crd-The Chin Journal. Note; NUG nih a Sermi PDF Ralkap Bu Training an lim cang hnu ah an cawlcangh/ caan hmannak video toi te an van thlah mi cu, Mah a link hi 9404/videos/161 hmeh click piak law a video na zoh khawh lai.
Thawng pang dang relchap : Nizan May 27 ah khan UN Human Rights Council nih Israel le Gaza (Hamas) pawl ni 11 chung an in dohnak ah Israel nih Minung Covo a buar le buar lo, War Crime a tuah le tuah lo kong hlathlai dingin kuthlerin biakhiahnak tuah in a pawm.
Mah kutthler biakhiahnak hi ram 24 nih an thlawp. Ram 14 cu an tel duh lo, ram pa 9 nih an thlawp lo. A tel duh lo mi ram ah Israel hawitha India zong a tel ve, biakhiahnak tuah lai ah meting in a chuak.
India UN Palai nih “zei poh hi politik a si caah India nih Israel cungah hawitha kan si nak kan langhter khawhnak pakhat a si” tiah a chimh. Israel nih UNHCR biakhiah nak cu “Hamas pawl thil sual tuah mi thup piak nak a si” tiah a duh lo ning a chimh. Crd-The Chin Post.
Leave a Reply