NUG Nih Emergency Theiter Nak A Tuah Than Cang Hih

NUG nih dothlennak a tuah mi mizapi ralkap bu vialte nih zulhding phunglam thanh.2021 September 7 ah National Unity Government, Defense Ministry nih dothlennak a tuah mi hriamtlai bu hna nih zulhding phunglam pawl an thanh. Dothlennak a tuah mi mizapi ralkap bu vialte nih a tanglei langhter mi zulhphung hna zulh ding in an thanh.

Dothlennak a tuah mi mizapi ralkap bu hna vialte nih hi zulhphung an zulh cio nakhnga tuanvo a ngei mi ralbawi hna nih mah le ralkap bu sin cio ah theihter le forhfialank tuah cio ding zong in an tial chih.crd-the hakha times. note- a thanh mi zulding pawl cu a tanghmanthlak ban tuk in a si.

Thawng pang dang rel chap a duh mi caah rel chap ding thawng pang kan in peh piak chih hna relchap; Bago ramthen nitlak lei, Pyi khua, Muyapin sang, Khattaya city hall lei palek riahbuk ah nihin September 6, chunhnu suimilam 2:30 hrawngah bomb voihnih a puak tiah theih a si. Cu puahkehnak ruang ah ralhrang phu lei in minung 3 an thi,

minung 5 leng nih fakngai in hliam an tuar tiah khuami hna nih an chim. Chunhnu suimilam 2:20 ah riahbuk cu kutchenh bomb in an cheh. Ralhrang phu hna an phanh zaanlei suimilam 3:00 hrawngah a caan in tuahmi bomb cu a puak. Ralhrang lei in a thi mi le hliam tuar mi an um.

Kan nih cu a himnak hmun kan phan cang”tiah Pyi khua mipi vengtu phu in biachimnak nawl ngeitu nih a chim. Bomb a puah hnu ah ralhrang phu hna nih cu ka hmun cu an phih leng ah hmunkip ah checkhlatnak an tuah tiah theih a si.crd-the chin post.

Leave a Comment

Leave a Reply

Your email address will not be published. Required fields are marked *