NUG, PDF nan bawmh hna ahcun hrem nan si lai tiah ralhrang nih an tlerh hna Mon ramkulh, Ceihthu ah chawlehthalnak a tuah mi hna cu NUG le PDF nan bawmh hna ahcun hrem nan si lai tiah rallokap nih an auh hna i an tlerh hna.Ceihthu ah chawlehthalhnak a tuah mi hna cu pengkomh zung ah an auh hna i an tlerh hna hi a si.
NUG, PDF phu hna cu ralhrang an si caah bawhnak nan pe lai lo nan pek hna ahcun phungning tein hrem nan si lai tiah an ti hna.A tuah cang mi nan um sual ah le hmailei ah nan tuah ti nak hnga lo tiah an chim” tiah auh mi chungtel rianngei pakhat nih a chim.Mah i tonnak cu rallokap phu nih bau lo tein kai ding ah an kan chimh caah CeihThu peng um Khualriah nak hmun,
Rawl dawr ngei tu hna kan kai.Rallokap nih CRPH,NUG,PDF phu hna cu tlaih khawh ding in thawng a thanh tu tlaih piak kho tu cu an tlaih mi hna he pehtlai in a tlawmbik taangka sing 5 in a tam lei cu rikhiah um lo in a tawkzawn te ah laksawg pek a si lai tiah thawng an thanh.crd- the chin post
Thawng dang: Mandalay ah Ralhrang mawtaw Bomb in an puah Mandalay, Chanmyattharsi peng chungah mawtaw he petroling a vak lio mi hna cu tuzing August 29 ah khan tittaw zung hmai ah bomb in an puah tiah a hmuhtu hna nih an chim. Bomb in puah a si ruangah mawtaw a cit mi ralhrang cheukhat hliamhma an pu.
Pawngkam vialte lam an phih i, chekhlatnak fak piin an tuah tiah theih a si. Atu hrawng Chin, Kachin, Karen, Karenni, Shan ram thlanglei tlangcung hriamtlaibu, PDF hna le ralhrangbu hna kahdohnak hlan nak in a tam. Khuapi chung PDF cawlcanghnak zong a tam deuh tiah theih a si i, Yangon, Mandalay, Pakokku hrawng a cawlcanghmi mipi kilventu ralkap phu (12) fonh in August 28 ah hawikom phu ah an i ser cang tiah cathanh an chuah. Crd- the chin post
Leave a Reply