Nusaltha Sniper Tlaitu Eh Moo Nih Ram Ca Ah A Nunnak A Pek

Cobra mipi ralkap sniper tlaitu Eh Moo nih ram ca ah a nunnak a pek tiah theih a si. Eh Moo a nunnak a liamnak kong hi ralhrang media cheukhat zong nih an langh ter. Miphun ralkap Eh Moo hi ralhrang pawl sniper in a rak kap tu kha a si tiah theih a si. Thawng dang relchap- Bualte khua pum tlamtling lo pakhat SAC ralkap nih an thah,

Chin ramkulh, Falam peng, Bualte khua ah a um mi kum 56 pa Hau Cung Nung cu SAC ralkap nih an thah tiah thawng theih a si. Bualte khua pawng November 19 ah SAC ralkap le CNDF hna karlak ah kahdohnak a chuak i cu kahdohnak a chuah ni ah Pa Hau Cung Nung cu a tlau i November 21 zinglei ah hma he a thih kha an hmuh tiah khuami hna nih an chim.

Amah hi pum tlamtling lo a si, a thluak a ṭha pah lo, a hna zong a ṭha tuk lo, kahdohnak a chuah lio ah khuachung ah a um. Khuachung in zaam ka duh lo a ti” tiah Bualte khuami pakhat nih Khonumthung Burmese ah a chim. SAC ralkap le Chin hriamtlai phu hna cu November 15 thok in Tibual khua le Bualte khua pawng ah kahdohnak fak pi in a chuak i a pawngkam khuami hna zong an zaam dih tiah theih a si.

Midang an zaam dih lio ah Pa Hau cu zaam lo in khuachung ah a tan caah SAC ralkap nih an thah hi a si tiah theih a si. Cu kahdohnak ah SAC ralkap nih vanlei kahdohnak fak pi in a tuah nain mipi hriamtlai pawl an him i SAC ralkap 30 leng an thi tiah CNDF nih a thanh.crd- The Chinland Post.