Operation 1027 Cu An Thok Than Cang Lai

November 27 In Myanmar Ram Chung Dihlak Ah Kahdohnak Thawk Ṭhan Dingin Hriamtlai Phu Thum Nih An Thanh, Shan Ramkulh Chaklei Ah Rak Thawkmi Operation 1027 Thla Khat A Tlin Ni November 27 Ah Ram Pumpi Ah Kahdohnak(Nationwide Operation) Thawk Chap Ṭhan Dingin Chaklei Hriamtlai Ṭangṭi Unau Thum Nih Thanhnak An Tuah. “Nationwide Operation Hi Operation 1027 Kan Rak Thawk Ni Thla Khat A Tlin Camtuak Ah Thawk Ding A Si I Timhcia Tein Kan Um Cang,” Tiah Ṭangṭi Unau Thum Nih Cun An Langhter.

Mizapi Hriamngan In A Kaptu SAC Ralkap Sakhan Laak Le Kahdohnak Ah Kannih Hriamtlai Ṭangṭi Phu Thum Zong Nih Kan Nunnak, Kan Thlanti Le Kan Zeizong Te Kan Pek Ve, Tiah An Langhter. Operation 1027 An Thawk In Ni 29 A Rauh Tiang Ah Chaklei Hriamtlai Ṭangṭi Phu Thum Nih SAC Ralkap An Hmunhma Biapi Mi Le Hriamngan An Chiahnak Hmun Hna Zong Faak Piin An Kah.

Myanmar Ram Chung Dihlak Ah Operation Nganpi A Chuah Lawnglawng Ah Hramhram Uknak A Hram In Bongh Khawh A Si Lai. Cu Ruangah Nationwide Operation Ah I Tel Cio Ding In Chaklei Hriamtlai Ṭangṭi Phu Nih Cun Sawmnak An Tuah. Hriamtlai Ṭangṭi Phu Thum Nih An I Tinhmi Cu Pakhat Hnu Pakhat In An Tlinh Cuahmah Leng Ah Kahdohnak Zong Din Lo Tein Hmailei Ah Kalpi An I Tim Rih. A Dang Hriamtlai Ṭangṭi Phu, PDF Le Organization Hna He Zong Ral An Dohṭi.

MNDAA Le TNLA Nih Anmah Hmunram Ah A Ummi SAC Ralkap Sakhan Zeimawzat Zong An Laak Cang. MNDAA Nih Laukkai Khuapi A Dihlak La Dingin Kahdohnak An Tuah Cuahmah I An Laak Khawh Dih Deng Cang, Tiah Theih A Si. Thawng Dang Relchap- MNDAA Nih Kokang Hmunram SAC Ralkap Sakhan 3 An Laak Chap, Sakhan 171 An Laak Cang, Shan Ramkulh, Kokang Hmunram Chung SAC Ralkap Sakhan 3 Cu MNDAA Nih An Laak Chap I Sakhan 171 An Laak Khawh Cang, Tiah MNDAA Thawngzamhnak The Kokang Nih An Thanh.

Nihin November 24, Zinglei 5:30 Hrawng Ah MNDAA Nih Kokang Tonshan Hmunram, Pakyaukshwe Le Lwanlauklin Tlangcung SAC Ralkap Sakhan 2 Cu An Kah I Zinglei Suimilam 8:25 Hrawng Ah An Laak Khawh, Tiah Theih A Si. Nihin Zinglei Ṭhiamṭhiam, Suimilam 10:20 Hrawng Ah MNDAA Nih Tonshan Hmunram Saitaai Tlangcung SAC Ralkap Sakhan Cu Hriamngan In An Kah I Chunhnu Suimilam 2:40 Hrawng Ah Tanglei In Ke Ralkap Nih Kah An Bawmh Hna I Zanlei Suimilam 3:16 Ah An Laak Khawh Ṭhan, Tiah Theih A Si.

Cu Sakhan Cu Laukkai Hmunram Chung SAC Ralkap Hrambunhmi Ah A Donghnak Bik Sakhan A Si I, Atu Ah Cun MNDAA Nih Opration An Kalpimi Ah Laukkai Khuaipi Lei An I Hmaithlak Cang Lainak Kong Zong An Thanh Chih. Cu Sakhan Laak Kahdohnak Ah Cun Ralkap 2 An Thi, Hliampu Mi Zat Cu Fehter A Si Rih Lo I Hriamnam Tam Ngai Zong An Laak Khawh, Tiah Theih A Si. Nizan November 23 Ni Zong Ah MNDAA Nih Tonshan Hmunram Chung Hutaung Sakhan An Laak I Hriamngan Zeimawzat Zong An Laak Khawh. MNDAA Le Ṭangṭi Phu Hna Nih SAC Ralkap Sakhan 171 An Laak Khawh Cang, Tiah Theih A Si.

Leave a Comment

Leave a Reply

Your email address will not be published. Required fields are marked *