Pale Khuachung Phungki Sianginn Ah Sac Hriamngan A Tla , Phungki 4 An Thi + Video

Sagaing ramtthen, Yinmapin pengkomh Pale khuachung Mya Thein Tan phungki sianginn ah SAC ralkap hriamngan a tlak caah phungki 4 an nunnak a laim tiah theih a si. Mya Thein Tan phungki sianginn chung ah May 13 ah khan hriamngan a rak tlak caah sianginn ah ummi phungki 4 an nunnak a rak liam tiah Pale Entertainment nih May 23 ah an thanh.

Pale khuachung ummi pakhat nih cun ” tualchung hriamtlai phu hna nih Pale khuachung um SAC ralkap hna cu an kah hna caah SAC ralkap lei nih hriamngan in an kah ve hna, cu hriamngan an kahmi cu phungki sianginn ah a tlak caah phungki 4 cu an nunnak a liam” tiah a chim.

Phungki sianginn chungah a tlami SAC ralkap hriamngan cu 30mm tiah aa tialmi a si i, cu bantuk hriamngan kuan cu dohthlengtu phu lei nih kan ngeilo tiah tualchung hriamtlai phu chungtel cheukhat nih an chim.crd- the chin post. Note: Mah a link hi /khitthitnews/videos/7 hmeh piak law video na zoh khawh lai.

Ca dang rel chap duh mi caah relchap; Min Aung hlan nih, Atu lio Abiapi Asi mi hna, NUG le, PDF A sawm hna lo in, Tlangcung hriam tlai bu pawl lawng Asawm mi hi cu, Lente celh Akan duh caah Asi tiin ka hmuh ning Asi. Newin nih 1962 Aana Ating khawh 1964 ah, Comunist ta pung le Tlang cung hriam tlai daih nak ding Arak sawm hna nain, Ahluh chuah lo, voi khat nak A rak kan hlen Nak Asi,

Mipi 8888 buai nak ah Aana an ting țhan, Thim nak kan tuah lai teitu, Party Nawl ngeih nak, kan pek lai tiah Arak ti nain, NLD nih Atei tuk nain, Ape duh lo, voi hnih hlen Nak. Atu MinAung hlan, nih Abiapi Asi mi hna,NUG le PDF pawl sawm loin, Tlang cung hriamtlai lawng Asawm mi hi, Lente celh Aduh pi hna men Asi ko, Tlangcung hriamtlai zong cu kan lung Ai rual hoi lo,.Phu hra (10) he ton ding Asi,

Phukhat tete in Aton hna lai tik ah, Thla ruk cu Arau te lai..Cu zong cu, Lungtlin nak i, Adih dongh nak theng si rih lai lo, Mahte khua khan Lairel nak Federal kan pek hna lai Ati mi zong hi, 2008 Phunghram tang in Ati tik ah, Hluatdaw i, Ralkap 25% hlawt si loin, cun, Asi thiam lo mi Asi, A voi thum hlen nak Asi rih ko lai, caah, Zumh ding Aum kho hrim lo.

MinAung hlan nih hin, Arak ruah chan nak ah cun, 2020 thim nak ah khan: NLD nih Apiat in Atei ti lai lo i, USDP in MP Atling mi le, Ralkap-25% fonh in kan tlin deuh lo le, Party fa deuh tete pawl komh in, Cozah kan ser lai i, kei mah President ka si te lai tiin, Arak i ruah chan nain, Fak tuk in, NLD nih Atei cu tik ah, Avoi hnih Trip hnihnak ah cun, NLD hi biatak in Acawl cang lai i, ralkap Aana hi An kan chuh te ah cun,

Ningcang lo i, Compony kan tuah mi le thil kan chuh mi vialte hna hi, kan caah țih Anung tuk Asi cang lai,.Cu caah Ning cang loin, Aana Ating nak hi Asi. Cu caah, 1962 le 8888 lio Aana an ting ban tuk khan ai ruah sual cu hlan cu, tlang cung hriam tlai le, thangzang Anei tuk lo mi, An mah kawl, ABSDF lawng an rak si, Atu ah cun, NUG le PDF nih biatak tein an doh tik ah A thin phang cang caah,

Tlangcung hriam tlai Akan sawm nain, kan lung ai rual hoi lo caah, zat ceo lawng Asawm khoh hna, Hi zong hi, Hluatdaw chungah ralkap -25% hrawk loin, Ava si hnga, cu caah, Ralkap ( ralhrang) hi, Ahram bongh lo cun, “Ai puk hnat lai lo”..An hram bongh lawng Ai ba cang.crd-SangLing Thantlang.

Leave a Reply

Your email address will not be published.