Paletwa Kahdohnak Ah AA Nih SAC Helicopter Pakhat An Kah I A Tla

Chin ramkulh Paletwa peng ah AA le SAC karlak kahdohnak fakpi a rak chuah lio ah SAC helicopter pakhat cu tla lak in kan rak kah tiah AA i chimphuannak nawl ngeitu Khaing Thu Kha nih Ayeyawwady Times ah a chim. “Paletwa peng chung kahdohnak ah SAC helicopter pakhat kan kah khawh hi a si.cu helicopter cu Pitaung um SAC sakhaan pawngkam ramlak ah a tla.a tu ah Pitaung SAC byuha sakhaan kan laak khawh cang caah a tu lawng kan va zoh khawh hi a si” tiah a chim.Pitaung tlang cu Paletwa in a chaklei Bangladesh-Myanmar ramri ah a um mi sakhaan a si.

Thawng dang relchap- Myanmar Ram In Kah Mi Hriamngan Kuan Cu Bangladesh Ram Ah A Tla I Minung Pahnih Nunnak A Liam, February 5 ah SAC ralkap le AA kar kahdohnak a chuak i cu kahdohnak ah kah mi hriamngan kuan cu Bangladesh ram chung ah a tla i minung pahnih an nunnak a liam, tiah theih a si. Kum 48 tluk Bangladesh ram mi nu pakhat le Rohingya mi pakhat cu hriamngan kuan nih a tlak hna ruangah an nunnak a liam, tiah AFP News nih February 5 ah an langhter.

Bangladesh ram um Jalpaitoli khua ah a um mi nu le cinthlak ṭuan ding ah a auh mi Rohingya mi pa cu chuncaw rawl an ei lioah hriamngan nih a tlak hna, tiah AFP nih cun an thanh. Bangladesh ram mi thihnak kong he pehtlai in SAC nih zeihmanh thanhnak an tuah mi a um rih lo. Myanmar-Bangladesh ramri ah SAC ralkap le AA karah kahdohnak a zual i February 4 lawng ah a thi mi le aa hliam mi minung 17 an phan, tiah France ram hrambunh.

Medecins Sans Frontieres(MSF) nih an thanh. Myanmar le Bangladesh ramri ah kahdohnak a zual caah SAC kuttang ramri hngak ralkap 95 cu Bangladesh ram ah an zaam cang. Bangladesh ram ah a rak zaam mi SAC kuttang ramri hngak ralkap pawl cu kan hren rih hna i an ram ah kuat ṭhan kan i tim tiah Ministry of The Inrerior Asaduzzaman Khan Kamal nih February 4 ah a chim.

Leave a Comment

Leave a Reply

Your email address will not be published. Required fields are marked *