Palik Chungtel Pakhat Cu A Inn Ah An Tlaih

Sami Khua Ah Hriamtlai Phu Pakhat Nih SAC Palik Chungtel Pakhat Cu A Inn Ah An Tlaih, Chin ramkulh thlanglei, Paletwa peng, Sami khua ah hriamtlai phu pakhat nih September 16 zan ah SAC palik chungtel pakhat cu a inn ah an va tlaih, tiah Sami khuami hna sinin theih a si. Tlaih a tongmi palik bo khat Naing Zaw Aung cu September 16 zan suimilam 8:00 luan ah hriamtlai phu pakhat nih an va tlaih, tiah Chin World nih a ṭial.

Sami khuami pakhat nih cun, “Anih hi Brigadier pa kuttang misual pakhat a si i khoika poh ah sopawt phun rumro in a um caah AA le CDF zong nih a umtu ziaza ṭhinh dingin ralrinnak an rak pek cangmi a si,” tiah Chin World ah a chim. Palik Naing Zaw Aung a tlaitu hi CNF an si tiin tualchung mi hna nih cun an chim nain CNF nih thanhnak an tuahmi a um lo. Thawng dang relchap- Libya Ram Tilianh Ruangah Nunnak A Liammi Minung 20,000 Hrawng An Phan Cang.

Libya ram tilianh ruangah nunnak a liammi cu minung 20,000 an phan cang. Hi harnak a chuakmi kong he pehtlai in Libya nawlngeitu hna nih hlathlatnak tuah dingin an thanh. Atutan Libya ram nih kokek harnak an ton hi Libya ram tuanbia ah a chiakha bikmi kokek harnak a si. Tilian in a luatmi hna nih a thimi an chungkhar hna ruak cu an kawl cuahmah hna.

Thlichia le ruah nih fak tuk in an den hna ruangah tidil an khammi hna zong an cim i Derna khuapi nichuahlei cu ti nih a phum dih. Zanṭim ah aa hngilhmi hna zong ti nih a phak hna caah ti cung ah a vuanmi an tam. Derna khuapi uktu Abdel-Moneim al-Ghaithi nih a chimnak ahcun nunnak a liammi hi 18,000-20,000 kar an si lai, tiah a chim. Libya ram nih ṭha tein khua caan lei tuaktannak zung rak ngei hna.

Sehlaw minung thong tampi thih lonak zong rak hrial khawh a si kho ko lai, tiah World Meteological Organization in ṭuanvongeitu nih cun a chim. Libya nichuahlei lei in ṭuanvo ngeitu hna nih cun thlichia le ruah a fak lai tiah thawngthanhnak an tuah i, tipi kam ummi hna cu an umnak chuahtak dingin an rak thanh hna nain ‘tidil an cim kho’ tiah theihternak(warning) an rak pe lo.

Leave a Comment

Leave a Reply

Your email address will not be published. Required fields are marked *