Tu kar cu party pakhat le pakhat isoiselnak le i thangchiatnak lawngte a khat ko. Hi ti ning cun Kawlram thimnak pi zong hi a tluang te hnga maw ti awk in a um cang. Tutan zong NLD party angki aa hrukmi pawl thil thalo an tuah lio hmanthlak a hung lar than hoi i tazacuai tiang an timh cang tiah theih a si.
Cu kong cu Kyaw Swar Eden nih a fb ah a tanglei bantukin a tarlangh. “NLD angki i hruk in thurhnawm video aa thlakmi minung hna cu Naypyidaw, Uttarathiri myone ah khuasami Thant Sin timi mipa pakhat le Mah Khine timi minu pakhat an si i, video a thlahtu hi Kyaw Myint timi pa a si tiah theih a si.”
“Anmah cu thurhnawm video an i thlak hlan ah NLD angki an i hruk i 8/9/2020 ni, ramkhel party pawl mee hmuh khawhnak caah mi lemsawi an thok ni ah NLD party nih teinak a hmuh khawhnak hna a cawlcangtu Campaigners hna bantuk an cawlcang hmasa i cu hnuah hi thurhnawm video i thlak ding in an i timhtuah tiah theih a si.”
“Anmah 3 hna cu nica riantuanmi an si i hmasa zong ah nihlawh man an lak i mipi thinlung laknak le thohkhan puai le sandahpiahnak puai ti bantuk ah aa tel ve tawn mi an si tiah Uttarathiri myone i anmah umnak he aa naihniammi hna sin in theih a si.”
“Hi thil cang kong he pehtlaih in Thant Sin, Kyaw Myint le Mah Khine timi minung 3 hna cu upadi ning in dantat khawh ding in kherhhlainak an tuah cuahmah lio tiah theih a si.”
Acung i hi Kyaw Swar Eden nih a facebook ah a tarlangh ning cun a si. Hi kongah Kyaw Swar Eden nih a comment box ah a tial thanmi cu “Hi thawngpang fehter khawh an i zuam lio asi. Hi post hi page pakhat in ka copy chinmi a si. Tuanvo ngeitu ka hal hna i tutiangg case kan tuah kho rih lo an ti.
Cucaah hi post cu only me (keimah lawng hmuh khawh ding) in ka chiah cang. A fiang cang ti ka theih bak ah kan on piak than te hna lai. A hmun i a ummi hna chimh ning ahcun thawngpang dik dawh a si ko” tiah a tial than hi a si. Nain Kyaw Swar Eden nih a laknai page min a langhter than lo.
Source: Kyaw Swar Eden
Leave a Reply