By- William HC: Chinmi nih fa tampi hrin le neih kan hau.Kan milu a tlawm tuk tikah kan marketing abit tuk tikah duhlo ningin thil kalpi ahauh caan um tawn. Chin state milu dih lak le Mizoram Aizawl khuakhat milu kan i zat luklak tikah Mizoram ah zeipoah te ah an market a kau.
11/2/2019 ah Department of Animal Husbandry and Veterinary – Mizoram department nih a langhter ning ahcun Aizawl khuakhat lawngah hin thlakhatah Vok thah cu lawngte hi a tlawmlei tuak hmanh in Vok 3,500 tluk an thah peng ti si.Tikah an sattil Arva an zuatmi zuarthlai nakah ramri va lonh hmanh hau lo. An i zat lo tikah Chinram le an state innpa sinah heh tiah Vok an phiar tawn.
Mizoram Vok zuatu hna caah zeitluk in dah ahlawk le market a kauh mu. Chin nusal pasalttha hna nih tefa tampi in neih ding,cun kanram nih federal ahmuh tikah cun ramleng Chinmi zong Chinram ah tlun cio ding si i abikin khuapi le khualipi ah umhmun khuar cio ding.
Tahchunhnak ah: Halkha khualipi ah khin minung singkhat (1,00,000) fai um kho usilaw,Chinram khuate lothlai chuakmi cu Halkha ah a phanh dih lai pinah dumhau tuah in thingthei le tisik anhnah cingmi hna caah tangka luhnak ttha lai i azuarthlainak ah harnak an tong ti lai lo.
Chinram cu a kaupi,milu kan tlawmtuk caah tefa tampi hrin le neih kan hau. “Fa tampi neih i cawm khawh lo kha sual asi,Bible nih a duh lo” timi cawnpiaknak kha cu zumh le i tlaih ti lo ding.
Chinmi milu kan karh ruangah party le Biaknak a karh ti lai loh, atu um cia hi kan i za diam ko tikha thadam tein ruah mei ding.
Leave a Reply