Pasaltha Hna Nih Ralhrang 60 An Tlaih Hna

Shwebo Peng Kahdohnak Ah Tualchung Hriamtlai Phu Nih Pyusawhti 60 An Tlaih Hna, Sagaing ramṭhen, Shwebo peng, Myinchin Pyusawhti khua cu tualchung hriamtlai phu nih an laak i kadohnak ah ralkap 3 an thih pin ah Pyusawhti 60 an tlaih hnanak kong Shwebo pengkomh Battalion 26 MDF – Shwebo in ṭuanvo ngei pakhat nih Khit Thit Media ah a chim. December 24, zinglei suimilam 3:00 hrawng ah Shwebo peng Myinchin Pyusawhti khua cu.

Shwebo pengkomh Battalion 26 MDF – Shwebo, Shwebo pengkomh Battalion 17 le Battalion 18 nih an kah hna i cuka hmunram chung um Pah-Kah-Phah hna i a lamkip in an rak bawmh hna, tiah theih a si. Myinchin khua kahdohnak ah cun palik le Pyusawhti pawl an i fonh nain suimilam 1 tluk a rauh ah tualchung hriamtlai phu nih an laak khawh colh. SAC ralkap pawl nih umhmun an khuarnak sianginn zong zinglei suimilam 5:00 hrawng ah an laak khawh i SAC ralkap thantar cu thla tualchung hriamtlai phu thantar an thlai, tiah theih a si.

Kaphnih kar i kahdohnak ah cun ralkap pakhat a thi, Pyusawhti pahnih an thi i tualchung hriamtlai phu nih hriamnam 6 an laak khawh pin ah Pyusawhti pa 29 le nu 31 an tlaih hna,” tiah Shwebo pengkomh Battalion 26 MDF – Shwebo in ṭuanvo ngei pakhat nih cun a chim. Thawng dang rel chap- Malaysia Ah Myanmar Rammi 500 Hrawng Nawlngeitu Nih An Tlaih Hna, Malaysia ram, Kuala Lumpur khua lai ah nizan December 21 ah Myanmar rammi telh in ramdang mi 500-1000 kar cu nawlngeitu nih an tlaih hna, tiah.

Malaysia hrambunh Myanmar rammi bawmchantu San Win nih a chim. Tlaih a tongmi hna chung ah Bangladesh rammi an tam bik i a changtu ah Myanmar rammi an si lai ti an zumh. Myanmar mi hna hi Myanmar restaurant i rawl an ei lioah tlaih an sinak kong Myanmar rammi bawmchantu hruaitu San Win nih cun a chim. Myanmar rammi telh in ramdang mi tam deuh hi R2K tiin auhmi phungning tein rianṭuan khawhnak permit an ngeih lo ca ah le permit a deu in a ummi an tam caah palik le immigration minung 1000 hrawng nih an kawl hna i an tlaih hna, tiah theih a si.

Malaysia cozah sinah ngunkhuai a pe lomi Myanmar restaurant hna, permit a ngei lomi le passport deu aa tlaihmi pawl cu dantat an si lai i phungning tein a ummi le permit a ngeimi hna cu thlah an si te lai, tiah an chim. Malaysia ram ah phung loin a lutmi le a umi Myanmar, Indonesia le Bangladesh rammi hna cu Malaysia nawlngeitu nih an tlaih tawn hna. Myanmar rammi nih licence loin motor khalh lo le Christmas, Kum thar karah umkal i ralrin a herh kong Myanmar mi bawmchantu phu hruaitu San Win nih cun a chim.

Leave a Comment

Leave a Reply

Your email address will not be published. Required fields are marked *