Pasaltha Nunak 3 A Liam Ee

Karenni ram kulh shadaw peng I um kawl ralhrang sakhan lian mi pakhat cu mipi ralkap miphun ralkap hna I bawmh in zingah khan an va kah hi asi mipi ralkap KNDF le mipiphun ralkap AK hna I fon in an va kah hi asi. Hi kah doh nak ah KNDF mipi ralkap pasaltha 3 reng lo an nun nak aliam tiah theih asi suimilam 3 chung reng lo an I kap hi asi kawl ralhrang lei zawng thi e hliam tuar an tam an milu zat theih khawh an si rih lo.

Shadaw peng chungah hin kawl ralhrang sakhan a voikhat nak an kah hi asi I mipi ralkap lei in pasaltha a nun nak a liam mi hna hi KNDF mipi ralkap battalion 2 in pasaltha pakhat battalion 14 in pasaltha pahnih hna nih ram le miphun caah an nun nak an pek hi asi. Kawl ralhrang nih hin shadaw le loikaw mawtaw lam pi I an hmang I shadaw le loikaw a tlung kal mi mipi hna cu an ei din an cah ton hna caah.

KNDF battalion 17 mipi ralkap hna nih cun mawtaw lam pi hi may ni 16 in hmang ti lo dingin caan kar lak an khar hi asi. crd : AT Phekhung nichuah lei Similawh khua kam ah May 18 zinglei ah SAC ralkap le KNDF kar kahdohnak a chuak. Nichuah lei hmunrawn ah rallam a sialmi SAC ralkap Battalion 422 le KNDF Battalion 3 cu, nihin May 18 zanlei sml 1:00 hrawng ah an i kap i Kahdohnak ah SAC ralkap Loikaw hriamngan(Artillery) Battalion 422 hmun in an kah hna.

Cu kahdohnak ah KNDF Battalion 3, Company 4 in ralkap pakhat Aung Shwe a nunnak liam. Pahnih hliamhma an pu, pakhat cu a hma fak ngai, tiah theih a si. A nunnak liam mi paral áš­ha Aung Shwe cu upatnak sang bik kan in pek i, na hawi le nih hramhram uknak kan tei hlan lo kan doh lai, tiah KNDF nih cathanh an chuah.

Thawng dang relchap; Kum khat lengah SAC nih mipi 1,844 a thah, 13,700 leng a tlaih hna, 2022 May 18 – Myanmar ram ah hramhram in uknak lak a si kum khat leng chungah SAC nih thah ruangah sualnak ngei lo mipi a nunnak a liammi minung1,844 le tlaihkhih a tongmi 13,713 an phan tiah Assistance Association for Political Prisoners (AAPP) nih a thanh.

Atu cazin hi 2021 February 1 in 2022 May 17 tiang AAPP nih a khawmhsuatmi a si i a taktak ah a nunnak a liammi an tam deuh lai tiah a langhter. Pau dothlennak chung, May 18 tiang ah minung 10,661 tlaih an tong i minung 1,069 hi cu thongthlak ding in biakhiah an si cang. Sualphawtmi chungin kum 18 tang hngakchia 2 telh in minung 68 cu thih ding in sualphawt an si cang.

Tlaihkhih ding in nawlchuah ruangah a zaami 1,977 chung in thah ding in nawlchuah a simi 41 telh in minung 120 cu hriawknak in thah ding tiah nawl an chuah i thah ding in nawlchuah a simi 109 an phan. Cun, SAC nih 2022 April thla dih tiang chungah phihkhar khanh a simi inn 570 an si tiah AAPP nih a langhter.crd-the chinland post.

Leave a Reply

Your email address will not be published.