Pastor Hna Le Mah Lemsawinak

By-Peng Hlawnceu; Upat mi kan Pastor vialte hna, Mipi ngunkhuai in Cozah nih thlahlawh a pekmi hna hmanh nih hi ralhrang thlaknak caah cun tiah an pawcawmnak thlahlawh lakloin CDM antuah. Nanni zong tutan ralhrang nih an lemsoi hnanak asi mi bawmhnak hi rak la hrimhrim hlah uh tiah kan nawlhna. Nannih cu zumtu hna kan 1/10 in Pathian nih an cawmmi hna nansi caah hi uknak le ralhrang colhcanghnak hehin pehtlaih ding nan silo.

Hi ralhrang MAH lemsoinak bawmhnak lak aa timmi Pastor nan umsual ahcun na rianţuannak kha rak i ngol lawlaw ko. Zeicahtiah Pathian rianţuantu silo in phaisa ca ţuantu nasi caah Pastor/Tukhal ti naa tlaklo. Ziah MAH nih Pastor/Pathian rianţuantu hna bawmhnak pek an timhhna tiahcun nanmah cu nan khalhmi nan Turun nih nan nawl an ngaih hna i nan hnu in an in zulh hna.

Cucaah hi an Tukhal asi mi Pastor pawl hi ka lemkhawh hna ahcun anmah hmang in ka hmuitinh ka khen lai ti a hngalh caah asi. Cucahcun Mipi ngunkhuai in Cozah rian a ţuanmi hmanh nih an thlahlawh laklo in hi ralhrang an nuarhnawh i an doh(CDM antuah) lioah Cozah rianţuannak he aa pehtlai lo in,

Mipi nih cawm komi Pastor hna nih hi ralhrang lemsoinak tang kun in a bawmhnak nalak ahcun cu nalak ri in na sining kha a fiang cikcek cang. Cucahcun a la mi paoh nan Pastor sinak kha chia ta dih ko uh. Ka nolh lai a lami nan umsual ahcun a thiangmi kan Pathian rian ţuantu ah naa tlaklo caah na lak ri khan na rian kha kaltak.

Ca dang relchap; 2021 february 1 ralhrangbu nih nawlngeihnak a lak hnuah cozah sinah register a tuah cang mi company 500 leng cu Kawlram company phung section 430(f) ningin hlonh (struck off) tuah an si cang tiah ralhrangbu Directorate of Investment and Company Administration cazin in theih a si.

Kawlram company upadi section 97 nih kum fatin report (Annual Return) a pek lo mi hna cu company registration hrawh piak an si lai tiah a tial. Mah ruangah 2021 July 5 ah company 100, July 9 ah company 100, July 16 ah 100, August 25 ah 100 le August 30 ah company 100 cu registration list in hlonh an si tiah theih a si.

Mah company hna hi company report (annual return) pek caan 28 a lonh ah ngolter chung (suspend) an si i, suspend an si hnu thla 6 chung report an pek rih lo ruangah atu bantukin company registration kan hrawh piak mi hna a si tiah DICA nih a langhter.

Company list in hlonh cang mi hna nih company registration tuah than an duh a si ahcun biaceihzung in olhnak (exemption order) he min pek than ding a si lai.Asinain, upadi a buar bal cang ti mi theih a si cang caah kum fatin report pek hi a biapi ngai tiah DICA nih a langhter.TCP

Leave a Comment

Leave a Reply

Your email address will not be published. Required fields are marked *