Pathian Lamhruai Huphennak Ruang Ah A Hohmanh Nunnak Liam Lo Tein Kan Him

CNDF Commander in Chief caṭial. SAC nih vanlei in bom fak pi in an kan thlak hnawh ko nain mipi hna nan thlacamnak thawng le Pathian lamhruai huphennak ruang ah a hohmanh nunnak liam lo tein kan him tiah CNDF Commander in Chief Peter Thang nih a Facebook cahmai ah a tar. Falam peng, Tibual khua kahdohnak ah November 19 thok in SAC nih Jet vanlawng le kahdohnak Helicopter pawl in fak pi in a kah hna ruang ah CNDF hriamtlai cheukhat an i hliam.

Ram le miphun caah dothlennak a tuah mi pa ralṭha hna hliam tuarnak hi thinphan awk a um lo tiah kan chim ko nain atu bantuk in an dirhmun nan hmuh mi hna a si ko caah mipi hna nih dothlennak ah tha zor lo te in kan thei zungzal u tiah CNDF Commander in Chief nih a chim. November 15-19 tiah a cang mi kahdohnak ah SAC lei in 30 leng an thi tiah theih a si. crd- The Chinland Post.

Thawng dang: Mepe Dum Ah Humhimnak Lak Dingin A Kalmi Pyusawhti Cu PDF Nih An Kah Hna Caah Pahnih An Thi. Magway ramṭhen, Myaing peng Tayetkua khua, mepe dum lei kalmi pyusawhti hna cu nizan November 22 zing sml 7:30 hrawngah PDF nih an kah hna i pyusawhti pahnih an thi, tiah theih a si. Mepe a phawitu pyusawhti hna humhimnak lakpiak dingin pyusawhti 10 hrawng an kal lioah kan kah hna i pahnih an thi. Annih hi Tayetkua khuami an si,” tiah bawino Mipua nih a chim.

Kaphnih kar kahdohnak minutes 10 chung hrawng a chuak. A hmun ah a thimi hi pyusawhti pahnih an si i hliamhma pumi zong an tam. Kanmah lei in a thimi le ai hliammi kan um lo,” tiah a chim chap.Tutan kahdohnak hi Wolf Guerrilla, Pakokku PDF, Middle Revolution Tesk Force (MRTF) JRT, GOE,Royal Seven le Aung Kyi phu hna i bawm in an tuah mi a si, tiah theih a si. crd-the chin post.