Magway ramṭhen, Pauk peng, Kyundai khua a khang mi SAC ralkap pawl cu voithum tiang an kah hna i SAC ralkap lei in 11 an thi, 6 an i hliam tiah Myaing PDF nih an thanh. November 22 zinglei sml 10:30am -11:15am tiang Pauk peng Kyundai khua chaklei ah SAC ralkap pawl he kahdohnak a chuah hi a si. Cun zing sml 11:35am-12:30pm tiang Kwaikung khua le Sathein khua karlak ah voikhat, zaanlei 3:00pm-4:00pm tiang.
Sathein khua chaklei ah voikhat tiah a zapi voithum kahdohnak a chuak i SAC ralkap lei in 11 an thi, 6 an i hliam tiah Myaing PDF nih theihternak an tuah. Kahdohnak chung ah a sung mi SAC ralkap pawl nih Kwaikung khua cu zaanlei sml 5:18pm thok in an khangh caah khuami hna an zaam dih, hriamtlai pakhat zong fak tuk lo in aa hliam tiah an thanh. Video cu a tang cem ah kan chiah.
Thawng dang relchap- Indonesia ram lihninh ruang ah a thi mi 162 an phan, Indonesia ram nitlak lei Java peng November 21 zinglei ah a fak ngai mi li aa hninh ruang ah a thi mi hi November 22 zinglei tiang 162 an phan tiah nitlak lei Java khuabawi nih a Twitter ah a ṭial. Indonesia ram i thlichia le tilet lei kong he pehtlai in biachimnak nawl a ngeitu nih cun a thi mi hi 62 an si i 162 hi cu fehter khawh a si rih lo tiah a chim.
Lihnihnak a laifang hi Syangja khua pawng ah a si i a thaṭawn hi 5.6 a si mi li a hninh caah minung a zaa in an thi i inn tampi zong a rawk tiah theih a si. November 22 zing tiang ah aa hliam mi hi a zaa leng an si tiah BBC nih a langhter. Li aa hninhnak hmun hi mi an tamnak hmun a si caah vawlei zong a cim kho mi a si bantuk in ṭha tein sak lo mi inn pawl zong tampi a rawk tiah theih a si.
Lihninh ruang ah minung 13,000 leng inn ngei lo in an um i inn 2,200 leng a rawk tiah an chim. Lihninh ruang ah a thi mi chung in hngakchia tampi zong an i tel lai tiah an ruahdamh. The Chinland Post. Mah a link hi T/videos/471 hmeh law a video na zoh khawh lai.
Leave a Reply